കൈദി എന്ന ചിത്രത്തിലൂടെ ശ്രദ്ധേയനായ ലോകേഷ് കനകരാജ് ഉലക നായകനെ നായകനാക്കി ഒരുക്കുന്ന ‘വിക്രം’ ചിത്രത്തിന്റെ ടൈറ്റിൽ ടീസർ പുറത്ത്. ഉലക നായകന്റെ 66-ാം ജന്മദിനത്തിലാണ് ടീസർ പുറത്ത് വിട്ടിരിക്കുന്നത്. കമല ഹാസന്റെ 232-ാം ചിത്രമാണിത്. വിജയി നായകനായി ഒരുക്കിയ മാസ്റ്ററിന് ശേഷം ലോകേഷ് കനകരാജ് ഒരുക്കുന്ന ചിത്രം കൂടിയാണിത്. ചിത്രത്തിന്റെ ചിത്രീകരണം ഉടൻ ആരംഭിക്കും.
വളരെ സ്റ്റൈലിഷായാണ് ചിത്രത്തിലെ കമലിന്റെ ലുക്ക്. ടീസറിലെ ‘ആരംഭിക്കലാങ്കളാ..’ എന്ന ഉലകനായകന്റെ ഡയലോഗും വൈറലാകുന്നുണ്ട്. ടീസര്‍ സൂചിപ്പിക്കുന്നത് ചിത്രം ക്രൈം ത്രില്ലറാണെന്നാണ്. അനിരുദ്ധ് രവിചന്ദറാണ് ചിത്രത്തിന് സംഗീതം ഒരുക്കുന്നത്. കമലിന്റെ തന്നെ ഉടമസ്ഥതയിലുള്ള രാജ്കമല്‍ ഫിലിംസ് ഇന്റര്‍നാഷണല്‍ ആണ് ചിത്രം നിര്‍മ്മിക്കുന്നത്.
Content Highlights; Kamala Hassan new movie Vikram teaser released
