രാജ്യത്തെ കൊവിഡ് ബാധിതരുടെ എണ്ണം 87.73 ലക്ഷം കടന്നു. കഴിഞ്ഞ 24 മണിക്കൂറിനിടെ രാജ്യത്ത് 44684 കൊവിഡ് കേസുകളാണ് പുതിയതായി റിപ്പോർട്ട് ചെയ്തത്. ഇന്നലെ മാത്രം 520 പേരാണ് മരണപെട്ടത്. ഇതോടെ ആകെ കൊവിഡ് ബാധിതരുടെ എണ്ണം 8773479 ആയി. രാജ്യത്ത് ഇതുവരെ 129188 പേരാണ് കൊവിഡ് ബാധിച്ച് മരണപെട്ടത്.
കഴിഞ്ഞ 24 മണിക്കൂറിനിടെ 3828 കേസുകളുടെ കുറവാണ് ഉണ്ടായിട്ടുള്ളത്. നിലവിൽ 480719 പേരാണ് കൊവിഡ് ബാധിതരായി ചികിത്സയിൽ കഴിയുന്നത്. ലോകത്താകെ യുഎസ് കഴിഞ്ഞാൽ ഇന്ത്യയിലാണ് ഏറ്റവും അധികം കൊവിഡ് കേസുകൾ റിപ്പോർട്ട് ചെയ്യുന്നത്. രാജ്യത്ത് കൊവിഡ് കേസുകളുടെ എണ്ണത്തിൽ കുറവ് രേഖപെടുത്തിയ പല സംസ്ഥാനങ്ങളിലേയും കേസുകളുടെ എണ്ണവും മരണ സംഖ്യയും വർധിച്ചു കൊണ്ടിരിക്കുകയാണ്.
ഡൽഹിയിൽ 7802 പുതിയ കൊവിഡ് കേസുകളാണ് റിപ്പോർട്ട് ചെയ്യപെട്ടത്. 91 മരണവും റിപ്പോർട്ട് ചെയ്തു. വ്യാഴാഴ്ച മാത്രം 104 മരണങ്ങളാണ് ഡൽഹിയിൽ സ്ഥിരീകരിച്ചത്. നവംബർ 1 നും 12 നും ഇടയിലുള്ള കേസുകളുടെ എണ്ണത്തിലും മരണത്തിലും വൻ വർധനവാണ് ഡൽഹിയിൽ ഉണ്ടായിട്ടുള്ളത്. ദിവസേന ശരാശരി 70 മരണങ്ങളാണ് ഈ ദിവസങ്ങളിൽ റിപ്പോർട്ട് ചെയ്യപെട്ടത്. 88124 കേസുകൾ 13 ദിവസത്തിനിടെ ഡൽഹിയിൽ മാത്രം റിപ്പോർട്ട് ചെയ്തു.
Content Highlights; India covid updates today
