കഴിഞ്ഞ 24 മണിക്കൂറിനിടെ രാജ്യത്ത് 45576 പേർക്ക് പുതിയതായി കൊവിഡ് സ്ഥിരീകരിച്ചു. കഴിഞ്ഞ മൂന്ന് ദിവസങ്ങളിൽ 39000 ൽ താഴെ മാത്രം പ്രതിദിന കൊവിഡ് രോഗ ബാധ റിപ്പോർട്ട് ചെയ്തിടത്തു നിന്നാണ് ഈ വർധനവുണ്ടായിരിക്കുന്നതെന്ന് കേന്ദ്ര ആരോഗ്യ മന്ത്രാലയം അറിയിച്ചു. ഇന്നലെ മാത്രം കൊവിഡ് ബാധിച്ച് 585 പേരാണ് മരണപെട്ടത്. ഇതോടെ ആകെ കൊവിഡ് ബാധിച്ച് മരണപെട്ടവരുടെ എണ്ണം 131578 ആയി. ആകെ കൊവിഡ് ബാധിതരുടെ എണ്ണം 8958483 ആയി.
രോഗമുക്തി നിരക്കിലും വർധനവ് രേഖപെടുത്തിയിട്ടുണ്ട്. 48493 പേരാണ് ഇന്നലെ രോഗമുക്തി നേടിയത്. രോഗമുക്തി നേടിയവരുടെ ആകെ എണ്ണം 8,383,602 ആയി. ആരോഗ്യ മന്ത്രാലയത്തിന്റെ കണക്ക് പ്രകാരം രാജ്യത്തെ നിലവിലെ രോഗമുക്തി നിരക്ക് 93.58% ആണ്. ഇതിനിടെ ഡൽഹിയിലെ കൊവിഡ് രോഗികളുടെ എണ്ണത്തിൽ വലിയ വർധനയാണ് ഇന്നലെ രേഖപെടുത്തിയത്. ആദ്യ ഘട്ടത്തിന് ശേഷം രോഗബാധ നിരക്ക് താഴ്ന്ന് നിന്ന ഡൽഹിയിൽ കഴിഞ്ഞ ഏതാനും ആഴ്ചകളായി രോഗബാധ ഉയരുന്നത് വലിയ ആശങ്കയുയർത്തുന്നണ്ട്.
Content Highlights; India covid updates today
