രാജ്യത്തെ കൊവിഡ് ബാധിതരുടെ എണ്ണം 99 ലക്ഷം കടന്നു. കഴിഞ്ഞ 24 മണിക്കൂറിനിടെ രാജ്യത്ത് 22065 പുതിയ കൊവിഡ് കേസുകളാണ് റിപ്പോർട്ട് ചെയ്യപെട്ടത്. ഒരു ദിവസത്തിനിടെ 354 പേരാണ് കൊവിഡ് ബാധിച്ച് മരണപെട്ടത്. ഇതോടെ രാജ്യത്തെ ആകെ കൊവിഡ് ബാധിതരുടെ എണ്ണം 9906165 ആയി.
ഇതിൽ 339820 പേരാണ് നിലവിൽ കൊവിഡ് ബാധിതരായി ചികിത്സയിലുള്ളത്. 143709 പേർ ഇതുവരെ മരണപെട്ടു. ലോകത്ത് യുഎസ് കഴിഞ്ഞാൽ ഇന്ത്യയിലാണ് ഏറ്റവുമധികം കൊവിഡ് കേസുകൾ റിപ്പോർട്ട് ചെയ്തത്. ആകെയുള്ള മരണത്തിൽ മൂന്നാം സ്ഥാനത്താണ് ഇന്ത്യ. അമേരിക്ക, ബ്രസീൽ എന്നിവിടങ്ങളിലാണ് ഏറ്റവുമധികം മരണം റിപ്പോർട്ട് ചെയ്യപെട്ട മറ്റ് രാജ്യങ്ങൾ.
Content Highlights; India covid updates today
