ഫ്രഞ്ച് പ്രസിഡന്റ് ഇമ്മാനുവൽ മാക്രോണിന് കോവിഡ്. മാക്രോൺ ഒരാഴ്ചത്തേക്ക് നിരീക്ഷണത്തിൽ പ്രവേശിച്ചതായി സർക്കാർ വൃത്തങ്ങൾ അറിയിച്ചു. പ്രാരംഭ ലക്ഷണങ്ങൾ കണ്ടെത്തിയതിനെ തുടർന്നാണ് പരിശോധന നടത്തിയത്. സ്വയം നിരീക്ഷണത്തിൽ പ്രവേശിക്കുകയാണെങ്കിലും കോവിഡ് നിർദ്ദേശങ്ങൾ പാലിച്ചുകൊണ്ട് തന്നെ പ്രസിഡന്റ് ഔദ്യോഗിക ചുമതലകൾ നിർവഹിക്കുമെന്ന് ഓഫീസ് പ്രസ്താവനയിൽ വ്യക്തമാക്കിയിട്ടുണ്ട്. കോവിഡ് മഹാമാരി ഏറ്റവും കൂടുതൽ ബാധിച്ച അഞ്ചാമത്തെ രാജ്യമാണ് ഫ്രാൻസ്. ഡിസംബർ പതിനേഴ് വരെ 24 ലക്ഷത്തിലധികം കോവിഡ് കേസുകളും, 59,300 മരണങ്ങളുമാണ് ഇതുവരെ റിപ്പോർട്ട് ചെയ്തിട്ടുള്ളത്.
Content Highlights; French president Emanual Macron test covid positive
