നിമിഷ സജയനും സുരാജ് വെഞ്ഞാറമൂടും പ്രധാന വേഷങ്ങളിലെത്തുന്ന ദ ഗ്രേറ്റ് ഇന്ത്യന്‍ കിച്ചണിന്‍റെ ടീസര്‍ പുറത്ത്. തൊണ്ടിമുതലും ദൃക്സാക്ഷിയും എന്ന ശ്രദ്ധേയമായ ചിത്രത്തിന് ശേഷം സുരാജ് വെഞ്ഞാറമൂറും നിമിഷ സജയനും ജോഡികളായി അഭിനയിക്കുന്ന ചിത്രമാണ് ദ ഗ്രേറ്റ് ഇന്ത്യൻ കിച്ചണ്‍. സ്ത്രീകളെ അടുക്കളകളില്‍ തളച്ചിടുന്നതും പുരുഷാധിപത്യ പ്രവണതകളുമൊക്കെയാണ് ടീസറില്‍ കാണുന്നത്.
കിലോമീറ്റേര്‍സ് ആന്‍ഡ് കിലോമീറ്റേര്‍സ് എന്ന ടൊവിനോ ചിത്രത്തിന് ശേഷം ജിയോ ബേബി സംവിധാനം ചെയ്യുന്ന ചിത്രമാണിത്. ജിയോ ബേബിയുടേത് തന്നെയാണ് ചിത്രത്തിന്റെ തിരക്കഥ. ഡിജോ അഗസ്റ്റിന്‍, ജോമോന്‍ ജേക്കബ്, വിഷ്ണു രാജന്‍, സജിന്‍ എസ് രാജ് എന്നിവര്‍ ചേര്‍ന്നാണ് ചിത്രത്തിന്റെ നിർമ്മാണം. സിനിമയുടെ റിലീസ് എപ്പോഴാണെന്ന് വ്യക്തമാക്കിയിട്ടില്ല.
Content Highlights; the grate Indian kitchen movie teaser released
