തമിഴ് നടനും ഡബ്ബിങ് ആർട്ടിസ്റ്റുമായ അരുൺ അലക്സാണ്ടർ അന്തരിച്ചു. ഹൃദയാഘാതം മൂലമാണ് മരണം. സംവിധായകൻ ലോകേഷ് കനകരാജാണ് വിവരം പുറത്ത് വിട്ടത്. കൊലമാവ് കോകില, കൈതി, ബിഗിൽ തുടങ്ങിയ ചിത്രങ്ങളിൽ ശ്രദ്ധേയമായ വേഷങ്ങൾ ചെയ്ത താരമാണ് അരുൺ. ഹോളിവുഡ് സിനിമകളുടെ തമിഴ് പതിപ്പുകളിലെ പ്രധാന കഥാപാത്രങ്ങൾക്ക് ശബ്ദം നൽകിയിരുന്നതും അദ്ധേഹമായിരുന്നു.
അവേഞ്ചേഴ്സ്, അക്വാമാൻ അടക്കമുളഅല ചിത്രങ്ങൾ തമിഴിൽ ഡബ്ബ് ചെയ്തതും അരുൺ ആയിരുന്നു. മാസ്റ്റർ, ശിവകാർത്തികേയന്റെ ഡോക്ടർ എന്നീ ചിത്രങ്ങളിലാണ് അവസാനമായി അഭിനയിച്ചത്. നടന്റേതായി പുറത്തു വരുന്ന അവസാന ചിത്രമായിരിക്കും മാസ്റ്റർ എന്നാണ് റിപ്പോർട്ടുകൾ.
Content Highlights; Tamil actor and dubbing artist Arun Aleksander passed away
