ന്യൂഡല്‍ഹി: രാജ്യത്ത് ആകെ കൊവിഡ് ബാധിതര്‍ 1,05,12,093 ലേക്ക് ഉയര്‍ന്നതായി കേന്ദ്ര ആരോഗ്യ മന്ത്രാലയം. കഴിഞ്ഞ 24 മണിക്കൂറിനിടെ 16,946 പേര്‍ക്ക് കൂടി പുതിയതായി രോഗം സ്ഥിരീകരിച്ചു. പ്രതിദിന കൊവി#ഡ് ബാധിതരുടെ എണ്ണം കുറയുന്നതിനൊപ്പം തന്നെ മരണവും കുറയുന്നത് രാജ്യത്തിന് ആശ്വാസം നല്‍കുന്നുണ്ട്.
കഴിഞ്ഞ 24 മണിക്കൂറിനിടെ 198 പേരാണ് കൊവിഡ് ബാധിച്ച് രാജ്യത്ത് മരിച്ചത്. ഇതോടെ രാജ്യത്തെ ആകെ കൊവിഡ് മരണം 1,51,727 ആയി. 17,652 പേരാണ് കഴിഞ്ഞ 24 മണിക്കൂറിനിടെ രോഗമുക്തരായത്.
നിലവില്‍ രാജ്യത്തെ സജീവരോഗികളുടെ എണ്ണം 2,13,603 ആണ്. കൊവിഡ് രോഗികളുടെ എണ്ണത്തില്‍ ശമനമുണ്ടാകുന്നതിനൊപ്പം തന്നെ കൊവിഡ് വാക്‌സിന്‍ വിതരണവും ആരംഭിക്കാന്‍ കഴിയുന്നതിന്റെ ആശ്വാസത്തിലാണ് കേന്ദ്രം.
Content Highlight: Covid Daily Updates in India
