മധ്യപ്രദേശിലെ സിദ്ധി ജില്ലയിൽ കനാലിലേക്ക് ബസ് മറിഞ്ഞ് 37 മരണം. നിരവധി പേരെ വെള്ളത്തിൽ കാണാതായിട്ടുണ്ടെന്നാണ് റിപ്പോർട്ട്. സീധിയില്‍ നിന്നും സത്‌നയിലേക്ക് 54 യാത്രക്കാരുമായി പോവുകയായിരുന്ന ബസ് രാംപുരില്‍ വെച്ച് നിയന്ത്രണം വിട്ട് കനാലിലേക്ക് പതിക്കുകയായിരുന്നു.
രാവിലെ ഏഴരയോടെയായിരുന്നു അപകടം നടന്നത്. നിലവില്‍ 37 മൃതദേഹങ്ങള്‍ കണ്ടെടുത്തതായി പോലീസ് കമ്മീഷണര്‍ രാജേഷ് ജെയിന്‍ വ്യക്തമാക്കി. മരിച്ചവരില്‍ 16 സ്ത്രീകളും 20 പുരുഷന്‍മാരും ഒരു കുട്ടിയും ഉള്‍പ്പെടുന്നു. ഏഴുപേര്‍ കനാല്‍ തീരത്തേക്ക് നീന്തിക്കയറിയതായും റിപ്പോര്‍ട്ട് ഉണ്ട്. ബാക്കിയുള്ളവര്‍ക്കായി തിരച്ചില്‍ തുടരുകയാണ്.
Content Highlights; madhya pradhesh bus accident
