രാജ്യത്ത് 23,285 പേർക്കു കൂടി കോവിഡ് 19 സ്ഥിരീകരിച്ചു. ഇന്ത്യയിൽ ഇതുവരെ 1,13,08,846 പേർക്കാണ് കോവിഡ് സ്ഥിരീകരിച്ചത്. ഇന്നലെ മാത്രം 117 പേർ കോവിഡ് ബാധിച്ച് മരിച്ചു. കോവിഡ് ബാധയെ തുടർന്ന് ഇതിനോടകം 1,58,306 പേർക്കാണ് ജീവൻ നഷ്ടമായത്. കഴിഞ്ഞ 24 മണിക്കൂറിനിടെ 15,157 പേർ രോഗമുക്തി നേടി.
ഇതുവരെ 1,09,53,303 പേർ രോഗമുക്തി നേടി. നിലവിൽ 1,97,237 സജീവ കേസുകളാണ് രാജ്യത്തുള്ളത്. 2,61,64,920 പേർക്കാണ് ഇതുവരെ വാക്‌സിൻ നൽകിയത്. മാർച്ച് 11 വരെ 22,49,98,638 സാമ്പിളുകളാണ് പരിശോധിച്ചതെന്നും ഇന്നലെ മാത്രം 7,40,345 സാമ്പിളുകൾ പരിശോധിച്ചതായും ഇന്ത്യൻ കൗൺസിൽ ഫോർ മെഡിക്കൽ റിസർച്ച് അറിയിച്ചു.
content highlights: India covid 19 update
