പ്രേക്ഷകരെ ആവേശത്തിലാക്കി മമ്മൂട്ടി ചിത്ര ബിഗ് ബിയുടെ രണ്ടാം ഭാഗം എത്തുന്നു. മമ്മൂട്ടിയുടെ കരിയറിലെ തന്നെ എക്കാലത്തേയും മികച്ച കഥാപാത്രങ്ങളിലൊന്നായിരുന്നു ബിലാൽ. ബിലാലെന്ന കഥാപാത്രവും ഡയലോഗുകളും ആരാധകമനസ്സില്‍ നിറഞ്ഞുനില്‍ക്കുകയാണ്. അതിനാല്‍ത്തന്നെ രണ്ടാംവരവ് ആകാംക്ഷയോടെ കാത്തിരിക്കുകയാണ് ആരാധകർ. ബിലാല്‍ ജോണ്‍ കുരിശിങ്കലിന് തിയേറ്ററുകളിലേതിനാക്കാള്‍ മികച്ച സ്വീകരണം ലഭിച്ചത് ഡിവിഡി ഇറങ്ങിയതിന് ശേഷമായിരുന്നു.
സിനിമയുടെ ചിത്രീകരണം ഫെബ്രുവരിയില്‍ ആരംഭിച്ചേക്കുമെന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുള്ളത്. 2020 പകുതിയോടെ സിനിമ റിലീസ് ചെയ്യുമെന്നുള്ള വിവരങ്ങളും പുറത്തുവന്നിട്ടുണ്ട്. ഫോര്‍ ബ്രദേഴ്‌സ് എന്ന ഹോളിവുഡ് സിനിമയെ അടിസ്ഥാനമാക്കി അമല്‍ നീരദ് ഒരുക്കിയ ചിത്രമാണ് ബിഗ് ബി. ഫഹദ് ഫാസിലും ചിത്രത്തില്‍ പ്രധാന വേഷത്തിലെത്തുന്നു. അജയ് വാസുദേവും മമ്മൂട്ടിയും വീണ്ടും ഈ ചിത്രത്തിലൂടെ ഒരുമിക്കുകയാണ്.
Content Highlight; Mammootty’s big b second part bilal is coming soon
