ജമ്മു കാശ്മീർ ഹന്ദ്വാരയിൽ സിആര്‍പിഎഫ് പട്രോളിങ്ങ് സംഘത്തിന് നേരെയുണ്ടായ ഭീകരാക്രമണത്തില്‍ മൂന്ന് ജവാന്മാര്‍ വീരമൃത്യു വരിച്ചു. ഏഴു പേർക്ക് പരുക്കേറ്റു. ഹന്ദ്വാരയിലെ ഖാസിയാബാദ് പ്രദേശത്തുവെച്ചാണ് സിആര്‍പിഎഫിന് നേരെ ആക്രമണമുണ്ടായത്. തുടര്‍ന്ന് സിആര്‍പിഎഫും ഭീകരരും തമ്മില്‍ വെടിവെപ്പ് നടന്നു. ഒരു ഭീകരനെ സിആർപിഎഫ് വധിച്ചതായും സൂചനയുണ്ട്. ഏറ്റുമുട്ടൽ തുടരുകയാണെന്നാണ് വിവരം.
കുപ്വാരയില്‍ ശനിയാഴ്ച തീവ്രവാദികളുമായി നടന്ന ഏറ്റുമുട്ടലില്‍ രണ്ട് സൈനിക ഉദ്യോഗസ്ഥര്‍ ഉള്‍പ്പെടെ അഞ്ച് സുരക്ഷാ ഉദ്യോഗസ്ഥര്‍ വീരമൃത്യു വരിച്ചിരുന്നു. അന്ന് രണ്ട് ഭീകരരും കൊല്ലപ്പെട്ടിരുന്നു. തുടർന്ന് ഒരു ദിവസത്തിന് ശേഷമാണ് വീണ്ടും ഭീകരരുമായി ഏറ്റുമുട്ടല്‍ ഉണ്ടായിരിക്കുന്നത്.
content highlights: 3 Killed In Attack On Paramilitary Patrol In Jammu And Kashmir
