ന്യൂഡല്‍ഹി: പൊതുഗതാഗതത്തില്‍ കൊറോണ വൈറസ് രോഗം പടരാതിരിക്കാനായി ഡല്‍ഹി സര്‍ക്കാര്‍ ബസുകള്‍ക്കായി ഇ-ടിക്കറ്റിംഗ് സംവിധാനം ഏര്‍പ്പെടുത്തുമെന്ന് സംസ്ഥാന ഗതാഗത മന്ത്രി കൈലാഷ് ഗഹ്ലോട്ട്.
ഏതാനും ഡല്‍ഹി ട്രാന്‍സ്‌പോര്‍ട്ട് കോര്‍പ്പറേഷന്‍ (ഡിടിസി) ക്ലസ്റ്റര്‍ ബസുകളില്‍ കോണ്‍ടാക്റ്റ്‌ലെസ് ടിക്കറ്റിംഗ് സംവിധാനത്തിന്റെ ട്രയല്‍ റണ്‍ സംസ്ഥാന ഗതാഗത വകുപ്പ് വ്യാഴാഴ്ച ആരംഭിച്ചിരുന്നു. മുന്‍കൂട്ടി അല്ലെങ്കില്‍ ബസുകളില്‍ ബസ് ടിക്കറ്റുകള്‍ വാങ്ങുന്നതിനായി ഇ-ടിക്കറ്റിംഗ് സംവിധാനം ഉപയോഗിച്ച് പ്രവര്‍ത്തിക്കുന്ന ‘വണ്‍ ഡെല്‍ഹി’ മൊബൈല്‍ ആപ്ലിക്കേഷന്‍ അപ്ഗ്രേഡുചെയ്യുന്നതാണ് മോഡല്‍. ടിക്കറ്റ് നല്‍കുന്ന സേവനം സ്വകാര്യമായി പ്രവര്‍ത്തിക്കുന്ന മറ്റ് സ്ഥാപനങ്ങളിലേക്ക് വ്യാപിപ്പിക്കുന്നതിനും സര്‍ക്കാര്‍ ആലോചിക്കുന്നുണ്ട്.
ഒരു ബസില്‍ 20 യാത്രക്കാരെ മാത്രമാണ് നിലവില്‍ അനുവദിക്കുന്നത്. എന്നാല്‍, ഡല്‍ഹി മെട്രോ ഇപ്പോഴും പ്രവര്‍ത്തനക്ഷമമല്ലാത്തതിനാല്‍ ഈ ദിവസങ്ങളില്‍ ബസുകള്‍ക്ക് വലിയ പ്രാധാന്യമുണ്ടെന്ന് ഗെലോട്ട് പറഞ്ഞു. ബസുകളിലുള്ള ആളുകള്‍ക്കിടയില്‍ സാമൂഹിക അകലം കഴിയുന്നത്ര കുറക്കാന്‍ സാങ്കേതികവിദ്യ ഉപയോഗിക്കുക എന്നതാണ് ഗവണ്‍മെന്റിന്റെ ലക്ഷ്യമെന്നും അദ്ദേഹം പറഞ്ഞു.
ഒന്നോ രണ്ടോ മാസത്തിനുള്ളില്‍ കോണ്‍ടാക്റ്റ്‌ലെസ് ടിക്കറ്റിംഗ് സംവിധാനം ഏര്‍പ്പെടുത്താനാകുമെന്നാണ് സര്‍ക്കാരിന്റെ പ്രതീക്ഷ.
Content Highlight: Delhi Government to start E-Ticketing on buses to maintain social distancing
