855 പേര്‍ക്ക് സംസ്ഥാനത്ത് കോവിഡ് സ്ഥിരീകരിച്ചു. 968 പേരാണ് രോഗമുക്തി നേടിയത്. ഇന്ന് രോഗം സ്ഥിരീകരിച്ചവരേക്കാൾ കൂടുതൽ രോഗമുക്തി നേടാനായി. ഇതുവരെ രോഗം സ്ഥിരീകരിച്ചവരുടെ എണ്ണം 16,995 ആണ്. ഇന്ന് 724 പേർക്കാണ് സമ്പർക്കം വഴി രോഗം വന്നത്. 54 പേരുടെ ഉറവിടം വ്യക്തമല്ല. ഇന്ന് രോഗം സ്ഥിരീകരിച്ചവരിൽ 64 പേർ വിദേശത്ത് നിന്നും മറ്റു 64 പേർ മറ്റ് സംസ്ഥാനങ്ങളിൽ നിന്നും വന്നവരാണ്.24 ആരോഗ്യ പ്രവർത്തകർക്കാണ് ഇന്ന് സ്ഥിരീകരിച്ചത്.
നാലു മരണങ്ങളാണ് ഇന്ന് റിപ്പോർട്ട് ചെയ്തത്. എറണാകുളം 69 മലപ്പുറം 58 പാലക്കാട് 58 കോട്ടയം 50 ആലപ്പുഴ 44 തൃശ്ശൂർ 33 ഇടുക്കി 29 പത്തനംതിട്ട 23 കണ്ണൂർ 18 വയനാട് 15 എന്നിങ്ങനെയാണ് കൊവിഡ് പോസിറ്റീവായവരുടെ ജില്ല തിരിച്ചുള്ള കണക്ക്. തിരുവനന്തപുരം 101 കൊല്ലം 54 പത്തനംതിട്ട 81 ആലപ്പുഴ 49 കോട്ടയം 74 ഇടുക്കി 96 എറണാകുളം 151 തൃശ്ശൂർ 12 പാലക്കാട് 63 മലപ്പുറം 24 കോഴിക്കോട് 66 വയനാട് 21 കണ്ണൂർ 108 കാസർകോട് 68 എന്നിങ്ങനെയാണ് നെഗറ്റീവായവരുടെ ജില്ല തിരിച്ചുള്ള കണക്ക്.
ഹോട്ട് സ്പോട്ടുകളുടെ എണ്ണം 453 ആയി. ഇതുവരെ ആകെ 3,38,038 സാമ്പിളുകളാണ് പരിശോധനയ്ക്ക് അയച്ചത്. ഇതില്‍ 9,185 സാമ്പിളുകളുടെ ഫലം വരാനുണ്ട്. സെന്റിനല്‍ സര്‍വൈലന്‍സിന്റെ ഭാഗമായി 1,09,635 സാമ്പിളുകളാണ് പരിശോധിച്ചത്. ഇതില്‍ 1,05,433 സാമ്പിളുകള്‍ നെഗറ്റീവ് ആയി.
Content Highlights; kerala today covid updates
