ന്യൂഡല്‍ഹി: രാജ്യത്ത് ശമനമില്ലാതെ കൊവിഡ് കേസുകള്‍. എന്നാല്‍ കഴിഞ്ഞ കുറച്ച് ദിവസങ്ങളില്‍ നിന്ന് വ്യത്യസ്തമായി ഇന്നലെ 60,000 താവെ കേസുകളാണ് റിപ്പോര്‍ട്ട് ചെയ്തത്. തുടര്‍ച്ചയായ നാല് ദിവസങ്ങളില്‍ 60,000ത്തിലധികം കേസുകള്‍ റിപ്പോര്‍ട്ട് ചെയ്തിരുന്ന സാഹചര്യത്തില്‍ നിന്ന് വ്യത്യസ്തമായി കഴിഞ്ഞ 24 മണിക്കൂറിനിടെ 53,601 പുതിയ കേസുകള്‍ മാത്രമാണ് റിപ്പോര്‍ട്ട് ചെയ്തതെന്നത് രാജ്യത്തിന് നേരിയ ആശ്വാസം നല്‍കുന്നുണ്ട്.
871 മരണങ്ങളാണ് കഴിഞ്ഞ 24 മണിക്കൂറിനിടെ സ്ഥിരീകരിച്ചത്. രാജ്യത്ത് ഇതുവരെ മരണനിരക്ക് 1.99% മാണ് രേഖപ്പെടുത്തിയിട്ടുള്ളത്. സജീവ കേസുകള്‍ 28.21 ശതമാനവും, രോഗമുക്തി 69.80 ശതമാനവും ആയത് ആശ്വാസം നല്‍കുന്നുണ്ട്.
അതേസമയം, ലോകത്താകമാനം കൊവിഡ് ബാധിതരുടെ എണ്ണം രണ്ട് കോടി കടന്നു. 20,001,019 പേര്‍ക്കാണ് ലോകത്ത് ഇതുവരെ രോഗം ബാധിച്ചത്. 7,33,897 ആളുകളാണ് ഇതുവരെ കൊവിഡ് ബാധയെ തുടര്‍ന്ന് ജീവന്‍ നഷ്ടപ്പെട്ടത്.
Content Highlight: 53,601 COVID19 cases and 871 deaths reported in India, in the last 24 hours
