പത്തനാപുരത്ത് വാഴപ്പാറയില്‍ നവവരനടക്കം നാല് പേര്‍ക്ക് കൊവിഡ് 19 സ്ഥിരീകരിച്ചു. നാല് ബന്ധുക്കള്‍ക്കാണ് രോഗം സ്ഥിരീകരിച്ചത്. അതേസമയം, വിവാഹത്തില്‍ പങ്കെടുത്ത മുഴുവൻ ആളുകളെയും ക്വാറന്റൈനില്‍ പ്രവേശിപ്പിച്ചു. കഴിഞ്ഞ വ്യാഴാഴ്ചയായിരുന്നു വിവാഹം. വിവാഹത്തില്‍ ആകെ 48 പേരാണ് പങ്കെടുത്തത്. ഇതില്‍ 44 പേരെയാണ് ക്വാറന്റൈനില്‍ പ്രവേശിപ്പിച്ചത്.
ഇവരുടെ സ്രവ സാമ്പിളുകള്‍ ടെസ്റ്റിനായി ശേഖരിക്കുന്നുണ്ട്. അതേസമയം വിവാഹം നടത്തിയത് കൊവിഡ് പ്രോട്ടോക്കോല്‍ ലംഘിച്ചാണെന്നാണ് ലഭിച്ച വിവരം ഈ സാഹചര്യത്തില്‍ കണ്ടെയ്ന്‍മെന്റ് സോണില്‍ വിവാഹം ഉള്‍പ്പടെയുള്ള ചടങ്ങുകള്‍ പൂര്‍ണമായും ഒഴിവാക്കാനും ആലോചനയുണ്ട്
Content Highlights; covid confirmed four people in kollam
