രാജ്യത്ത് കൊവിഡ് കേസുകളുടെ എണ്ണം 30 ലക്ഷത്തിലേക്ക് അടുക്കുന്നു. 24 മണിക്കൂറിനിടെ 69878 പേർക്കാണ് കൊവിഡ് സ്ഥിരീകരിച്ചത്. 945 പേർ മരണപെട്ടു. ഇതോടെ ആകെ മരണസംഖ്യ 55794 ആയി. ആകെ കൊവിഡ് ബാധിതരുടെ എണ്ണം 29,75,702 ആയി. നിലവിൽ 697330 പേരാണ് കൊവിഡ് ബാധിച്ച് ചികിത്സയിലുള്ളത്. ഇതുവരെ 2222577 പേർ രോഗമുക്തി നേടി ഇന്നലെ മാത്രം 1023836 സാമ്പിളുകളാണ് പരിശോധിച്ചത്.
രാജ്യത്തെ പ്രതിദിന കൊവിഡ് പരിശോധന പത്ത് ലക്ഷം കടന്നതായി ആരോഗ്യ മന്ത്രാലയം അറിയിച്ചു. കൊവിഡ് കേസുകൾ വർധിച്ചതോടെ ഉത്തർപ്രദേശ്, ഹരിയാന, പഞ്ചാബ് തുടങ്ങിയ സംസ്ഥാനങ്ങളിൽ ഞായറാഴ്ച ലോക്ക്ഡൌൺ പ്രഖ്യാപിച്ചു. മഹാരാഷ്ട്ര, തമിഴ്നാട്, ഉത്തർപ്രദേശ് എന്നീ സംസ്ഥാനങ്ങളിലാണ് ഏറ്റവും കൂടുതൽ കൊവിഡ് ബാധിതരുള്ളത്.
Content Highlights; india covid updates today
