തിരുവനന്തപുരം വിമാനത്താവളത്തിൽ 25 ലക്ഷം രൂപയുടെ സ്വർണ്ണം പിടികൂടി. ഷാർജയിൽ നിന്ന് എയർ അറേബ്യ വിമാനത്തിൽ വന്ന തമിഴ്നാട് സ്വദേശി മുഹമ്മദ് നസീറിൽ നിന്നാണ് സ്വർണം പിടികൂടിയത്. ജ്യൂസറിൻ്റെ മോട്ടറിൽ സ്വർണ്ണം ഒളിപ്പിച്ചുകടത്താനായിരുന്നു ശ്രമം. ജ്യൂസർ വേർപെടുത്തി സ്വർണം എടുക്കാൻ മൂന്ന് മണിക്കൂർ വേണ്ടിവന്നു.
മുഹമ്മദ് നാസർ കൊണ്ടുവന്ന ജ്യൂസറിൻ്റെ മോട്ടർ വിശദമായി പരിശോധിച്ചപ്പോഴാണ് സ്വർണം ഒളിപ്പിച്ച നിലയിൽ കണ്ടെത്തിയത്. അടുത്തിടെ കണ്ടതിൽ വെച്ച് ഏറ്റവും വിദഗ്ധമായ രീതിയിലുള്ള ഒളിപ്പിക്കൽ ആയിരുന്നുവെന്നാണ് കസ്റ്റംസ് പറഞ്ഞത്. ഇയാളെ ചോദ്യം ചെയ്ത് വരികയാണ്.
content highlights: Gold smuggling again in Thiruvananthapuram, One in custody
