ബാറ്റ്മാൻ ചിത്രത്തിലെ താരം റോബർട്ട് പാറ്റിൻസണിന് കൊവിഡ് സ്ഥിരീകരിച്ചു. തുടർന്ന് ബാറ്റ്മാൻ ചിത്രീകരണം താത്കാലികമായി നിർത്തിവെച്ചു. ലോക്ക്ഡൌണിനെ തുടർന്ന് മാർച്ച് മുതൽ നിർത്തിവെച്ചിരുന്ന ചിത്രീകരണം മൂന്ന് ദിവസം മുൻപ് യുകെയിലെ ഹേർട്ട്ഫോർഡ്ഷയറിൽ പുനരാരംഭിച്ചിരുന്നു.
സിനിമ സംഘത്തിലെ ഒരാൾക്ക് കൊവിഡ് സ്ഥിരീകരിച്ചതിനെ തുടർന്ന് ചിത്രീകരണം നിർത്തിവെച്ചിരിക്കുകയാണെന്ന് നിർമ്മാതാക്കളായ വാർണർ ബ്രോസ് പ്രസ്താവനയിൽ പറഞ്ഞു. അതേ സമയം ആർക്കാണ് കൊവിഡ് ബാധിച്ചതെന്ന് നിർമ്മാണ കമ്പനി വെളിപ്പെടുത്തിയിരുന്നില്ല.
എന്നാൽ 34കാരനായ റോബർട്ട് പാറ്റിൻസണിനാണ് കൊവിഡ് ബാധിച്ചതെന്ന് ഹോളിവുഡ് റിപ്പോർട്ടറും വാനിറ്റി ഫെയറും റിപ്പോർട്ട് ചെയ്തിട്ടുണ്ട്. തനിക്ക് കൊവിഡ് പോസിറ്റീവ് ആയ കാര്യം പാറ്റിൻസണും അറിയിച്ചു. മാറ്റ് റീവ്സാണ് ചിത്രം സംവിധാനം ചെയ്യുന്നത്. 2021ൽ ചിത്രം റിലീസ് ചെയ്യാനാണ് തീരുമാനിച്ചിരിക്കുന്നത്.
content highlights: Batman star Robert Pattinson ‘tests positive for Covid-19’
