കൊവിഡ് മനുഷ്യ നിർമ്മിതമെന്ന് വെളിപെടുത്തിയ ചൈനീസ് വൈറോളജിസ്റ്റ് ഡോ ലി മെംഗ് യാനിന്റെ ട്വിറ്റർ അക്കൗണ്ട് സസ്പെൻഡ് ചെയ്തു. ട്വിറ്റർ നിയമങ്ങൾ ലംഘിച്ചുവെന്നാരോപിച്ചാണ് ലിയുടെ അക്കൗണ്ട് സസ്പെൻഡ് ചെയ്തത്. ഇതുമായി ബന്ധപെട്ട് ട്വിറ്റർ ഇതുവരെ പ്രതികരിച്ചിട്ടില്ല. ബ്രീട്ടീഷ് ടോക്ക് ഷോ ആയ ‘ലൂസ് വിമിൻ’ എന്ന പരിപാടിയിലാണ് ലി മെംഗ് കൊവിഡിന് കാരണമായ വൈറസ് സംബന്ധിച്ച പരീക്ഷണങ്ങളെ കുറിച്ച് വിശദീകരിച്ചത്. കൊറോണ വൈറസ് വുഹാനിലെ ലാബിൽ നിർമ്മിച്ചതാണെന്ന വെളിപെടുത്തലിനു ശേഷം ട്വിറ്ററിൽ ലീയുടെ ഫോളേവേഴ്സിന്റെ എണ്ണം വർധിച്ചിരുന്നു.
ഹോങ്കോങിലെ പൊതുജനാരോഗ്യ മേഖലയിൽ പ്രവർത്തിച്ചു കൊണ്ടിരിക്കെ ലീയുടെ സൂപ്പർ വൈസർ ഡിസംബർ 31 ന് വുഹാനിൽ കണ്ടെത്തിയ പുതിയൊരു തരം സാർസ് പോലുള്ള വൈറസിനെ കുറിച്ച് പഠിക്കാൻ നിർദേശിച്ചത്. എന്നാൽ അതിനു വേണ്ടിയെടുത്ത എല്ലാ പരിശ്രമങ്ങളും പിന്നീട് തടയുകയായിരുന്നവെന്നും തന്റെ സുരക്ഷ കണക്കിലെടുത്തു കൊണ്ടാണ് യുഎസിലേക്ക് പോകേണ്ടി വന്നതെന്നും ലീ ഷോയിൽ വ്യക്തമാക്കി. വുഹാനിലെ കൊവിഡ് വ്യാപനത്തെ കുറിച്ച് മനസ്സിലാക്കിയപ്പോൾ ഞെട്ടിയെന്നും തന്റെ മുന്നറിയിപ്പുകളെ ഭരണാധികാരികൾ അവഗണിച്ച് വൈറസിനെ ലോകം മുഴുവൻ പടരാൻ അനുവദിക്കുകയായിരുന്നു എന്നും ലീ ആരോപിച്ചിരുന്നു.
Content Highlights; Twitter Suspends Account of Chinese Virologist Who Claimed Covid-19 Was Made in Wuhan Laboratory