തെലുങ്ക് സൂപ്പർ താരം ചിരജ്ഞീവിക്ക് കൊവിഡ് സ്ഥിരീകരിച്ചു. പുതിയ സിനിമയായ ആചാര്യയുടെ ഷൂട്ടിങ് ആരംഭിക്കുന്നതിന് മുന്നോടിയായി നടത്തിയ പരിശോധനയിലാണ് നടൻ വൈറസ് ബാധ സ്ഥിരീകരിച്ചത്. അദ്ധേഹം തന്നയാണ് ഇക്കാര്യം ട്വിറ്ററിലൂടെ അറിയിച്ചത്. ‘ആചാര്യയുടെ ഷൂട്ടിങ് തുടങ്ങുന്നതിന്റെ ഭാഗമായുള്ള നടപടിയെന്നോണം കൊവിഡ് ടെസ്റ്റിന് വിധേയനായി. നിർഭാഗ്യവശാൽ പരിശോധനയിൽ പോസിറ്റീവ് ആണെന്ന് കണ്ടെത്തിയെന്നും’ ചിരജ്ഞീവി ട്വിറ്ററിൽ കുറിച്ചു.
നിലവിൽ രോഗ ലക്ഷണങ്ങളോന്നുമില്ലെന്നും വീട്ടിൽ തന്നെ ക്വാറന്റീനിൽ പ്രവേശിക്കുകയാണെന്നും നടൻ അറിയിച്ചു. കഴിഞ്ഞ അഞ്ച് ദിവസത്തിനിടയിൽ താനുമായി സമ്പർക്കത്തിൽ വന്ന എല്ലാവരോടും കൊവിഡ് പരിശോധനക്ക് വിധേയരാകണമെന്നും നടൻ ആവശ്യപെട്ടു. രോഗം ഭേദമാകുന്ന വിവരം ഉടൻ അറിയിക്കാനാകുമെന്ന പ്രതീക്ഷയും താരം ട്വീറ്റിൽ പങ്ക് വെച്ചു.
Content Highlights; actor Chiranjeevi test covid positive
