പട്‌ന: ബിഹാറില്‍ വോട്ടെണ്ണല്‍ പകുതി അവസാനിക്കുമ്പോള്‍ മുന്‍തൂക്കം നേടി എന്‍ഡിഎ. 50 ശതമാനം വോട്ടെണ്ണല്‍ പൂര്‍ത്തിയായതോടെ 58 സീറ്റുകളിലെ ഫലവും പ്രഖ്യാപിച്ചു. ഇതില്‍ 36 സീറ്റുകളില്‍ വിജയിച്ച് ബിജെപി മുന്നണിയാണ് മുന്നേറിയിരിക്കുന്നത്. 21 സീറ്റുകലളിലാണ് മഹാസഖ്യം വിജയിച്ചത്. ഇനിയും എണ്ണി തീരാനുള്ള അമ്പത് ശതമാനത്തില്‍ ലീഡ് നില മാറി മറിയുമെന്ന പ്രതീക്ഷയിലാണ് മഹാസഖ്യം.
63% അധികം ഇലക്ട്രോണിക് വോട്ടിങ് യന്ത്രങ്ങളാണ് ഉപയോഗിച്ചത്. ഉച്ചയ്ക്ക് ഒന്നരവരെ ഒരു കോടിയോളം വോട്ടുകള്‍ മാത്രമാണ് എണ്ണാന്‍ കഴിഞ്ഞത് അതിനാല്‍ തന്നെ അന്തിമ ഫലം രാത്രി വൈകിയേ ലഭ്യമാകൂവെന്ന് തെരഞ്ഞെടുപ്പ് കമ്മിഷന്‍ അറിയിച്ചിരുന്നു. ഗ്രാമീണ മേഖലയില്‍ വോട്ടെണ്ണല്‍ ഇഴഞ്ഞാണ് നീങ്ങുന്നത്.
ലീഡ് നിലയില്‍ മുന്നിലുള്ള ബിജെപി കേവല ഭൂരിപക്ഷം കടന്നതായാണ് റിപ്പോര്‍ട്ടുകള്‍. 243 അംഗ സഭയില്‍ കേവലഭൂരിപക്ഷത്തിന് 122 സീറ്റുകള്‍ ജയിക്കണം. ബിജെപി ഏറ്റവും വലിയ ഒറ്റക്കക്ഷിയായി മുന്നേറുകയാണ്.
Content Highlights: Bihar Assembly Election Results
