ഉത്തർ പ്രദേശിലെ പ്രതാപ് ഗഡിലുണ്ടായ വാഹനാപകടത്തിൽ 6 കുട്ടികളടക്കം 14 പേർ മരിച്ചു. ബൊലേറോ ട്രക്കിലിടിച്ചാണ് അപകടമുണ്ടായത്. ടയർ പഞ്ചർ ആയതിനെ തുടർന്ന് പാതയോരത്ത് നിർത്തിയിട്ടിരുന്ന ട്രക്കിൻ്റെ പിന്നിലേക്ക് ഇടിച്ചു കയറുകയായിരുന്നു. പ്രയാഗ് രാജ്- ലഖ്നൌ ദേശീയപാതയിൽ രാത്രി 11.45ഓടെയാണ് അപകടം.
ബൊലേറൊയിൽ ഉണ്ടായിരുന്ന മുഴുവൻ പേരും മരിച്ചു. വിവാഹ ചടങ്ങിൽ പങ്കെടുത്ത ശേഷം വീട്ടിലേക്ക് മടങ്ങിയവരാണ് അപകടത്തിൽ പെട്ടത്. ഏഴിനും 15നും ഇടയിൽ പ്രായമുള്ളവരാണ് മരിച്ച കുട്ടികൾ. മുതിർന്നവർ 20നും 60നും ഇടയിൽ പ്രായമായവരാണ്. മൃതദേഹങ്ങളുടെ പോസ്റ്റ്മോർട്ടം വെള്ളിയാഴ്ച നടത്തും.
content highlights: 6 Children Among 14 Killed In Road Accident In UP’s Pratapgarh
