ജമ്മുകശ്മീരിലെ കിഷ്ത്വർ ജില്ലയിൽ മിനി ബസ് കൊക്കയിലേക്ക് മറിഞ്ഞ് 25 പേർ മരിച്ചു. അപകടത്തിൽ 13 പേർക്ക് പരിക്കേറ്റു. ജമ്മുവിൽ നിന്ന് 230 കിലോമീറ്റർ അകലെയുള്ള കിഷ്ത്വറിലെ കേശ്വാൻ മേഖലയിൽ രാവിലെ ഏഴുമണിയോടെയാണ് അപകടം നടന്നത്. പ്രദേശവാസികളാണ് രക്ഷാപ്രവർത്തനം നടത്തിയത്. പരിക്കേറ്റവരെ കിഷ്ത്വാർ ജില്ലാ ആശുപത്രിയിൽ പ്രവേശിപ്പിച്ചു. മിനി ബസിൽ കൂടുതൽ യാത്രക്കാരുണ്ടായിരുന്നതായി പൊലീസ് പറഞ്ഞു. മരണസംഖ്യ ഉയരാൻ സാധ്യതയുണ്ട്.
