പ്രഭാസ് നായകനാകുന്ന ബിഗ് ബജറ്റ് ചിത്രം സാഹോ പുറത്തിറങ്ങി. ‘റൺ രാജ റൺ’ എന്ന തെലുങ്ക് ചിത്രത്തിലൂടെ ശ്രദ്ധേയനായ സുജീത്തിൻെറ സംവിധാനത്തിൽ ഒരുങ്ങിയ ചിത്രം ഇന്ത്യയിൽ ഉടനീളം അഞ്ച് ഭാഷകളിലാണ് റിലീസിനെത്തിയത്. ഏറെ ആവേശത്തോടെയാണ് പ്രേക്ഷകർ ചിത്രത്തെ വരവേറ്റതും.
റിവ്യൂ സൈറ്റുകളിൽ അടക്കം മികച്ച പ്രതികരണമാണ് സാഹോക്ക് ലഭിച്ചു കൊണ്ടിരിക്കുന്നത്. ചിത്രം ഇതോടെ ദുബായിലും സൌത്ത് ഇന്ത്യൻ മേഖലകളിലും ആദ്യ പ്രദർശനം പൂർത്തിയാക്കി. നായകനായി എത്തിയ പ്രഭാസിന് ശ്രദ്ധ കപൂറാണ് നായിക. യുവി ക്രിയേഷൻസിൻെറ ബാനറിൽ നിർമിക്കുന്ന ചിത്രത്തിൽ മലയാള താരം ലാലും മികച്ച കഥാപാത്രമായി എത്തിയിട്ടുണ്ട്.
ആഗസ്റ്റ് 10 ന് പുറത്തിറങ്ങിയ ട്രെയിലറിന് വമ്പിച്ച പ്രതികരണമായിരുന്നു ലഭിച്ചത്. ബി ഉണ്ണികൃഷ്ണൻെറ ഉടമസ്ഥതയിലുള്ള ആർ ഡി ഇല്യൂമിനേഷനാണ് ചിത്രം കേരളത്തിൽ വിതരണം ചെയ്യുന്നത്. ജാക്കി ഷ്രോഫ്, നീൽ നിതിൻ, മുകേഷ്, അരുൺ വിജയ്, മന്ദിര ബേദി, മുരളി ശർമ എന്നിവരാണ് സാഹോയിൽ വേഷമിടുന്ന മറ്റ് താരങ്ങൾ.
