കാളിദാസ് ജയറാം നായകനാകുന്ന പുതിയ ചിത്രം ഹാപ്പി സര്‍ദാറിലെ ആദ്യ വീഡിയോ സോങ് റിലീസായി. പട്യാല പെഗ്ഗ് എന്ന ടൈറ്റിലിൽ പുറത്തിറങ്ങിയ ഗാനത്തിന്റെ വരികളെഴുതിയിരിക്കുന്നത് ബി കെ ഹരിനാരായണനാണ്. ഗോപി സുന്ദർ ഈണം പകർന്ന ഗാനം ആലപിച്ചിരിക്കുന്നത് പുതിയ തലമുറയിലെ ഒരു ശ്രദ്ധേയമായ ശബ്ദത്തിൻ്റെ ഉടമയായ സിയാ ഉൾ ഹഖാണ്.
സുദീപ്-ഗീതിക ദമ്പതിമാർ സംവിധാനം ചെയ്യുന്ന ചിത്രം നിർമിക്കുന്നത് അപ്പിച്ച ഫിലിംസിൻ്റെയും മലയാളം മൂവി മേക്കേഴ്സിന്റെയും ബാനറിൽ ഹസീബ് ഹനീഫാണ്. ഒരു ക്‌നാനായ പെണ്‍കുട്ടിയും സര്‍ദാര്‍ യുവാവും തമ്മിലുള്ള പ്രണയ കഥ നര്‍മത്തിലൂടെ അവതരിപ്പിക്കുന്നതാണ് ചിത്രത്തിൻ്റെ പ്രമേയം.’പൂമരം’ എന്ന ചിത്രത്തിൽ കാളിദാസിനൊപ്പം അഭിനയിച്ച മെറിൻ ഫിലിപ്പാണ് ചിത്രത്തിലെ നായിക.
ഹാപ്പി സിംഗ് എന്ന സര്‍ദാറിന്റെ വേഷത്തിലാണ് കാളിദാസ് ചിത്രത്തിലെത്തുന്നത്. ജാവേദ് ജഫ്‌റി, സിദ്ധിഖ്, സുരാജ് വെഞ്ഞാറന്മൂട്, ശ്രീനാഥ് ഭാസി, ബാലു വര്‍ഗീസ്, പിഷാരടി, ഹരീഷ് കണാരന്‍, ധര്‍മജന്‍, ബൈജു, ശാന്തി കൃഷ്ണ, പ്രവീണ എന്നിവരാണ് വേഷമിടുന്ന മറ്റ് താരങ്ങൾ.
Content Highlights: Released first video song of Happy Sardar
