1999 ൽ പുറത്തിറങ്ങിയ ഹൊറര്‍ ചിത്രം ആകാശ ഗംഗയുടെ രണ്ടാം ഭാഗം ആകാശഗംഗ 2 നവംബര്‍ ഒന്നിന് തിയറ്ററുകളിലെത്തും. ദിവ്യഉണ്ണി അഭിനയിച്ച മായത്തമ്പുരാട്ടി ഗര്‍ഭിണിയായി മാണിക്കശേരി കോവിലകത്ത് എത്തുന്നിടത്താണ് ആകാശഗംഗ അവസാനിക്കുന്നത്. എന്നാൽ മായയുടെ മകള്‍ ആതിരയുടെ കഥയാണ് ആകാശഗംഗ 2 പറയുന്നത്.
വിനയൻ്റെ തിരക്കഥയിലും സംവിധാനത്തിലും നിർമാണത്തിലും ഒരുങ്ങുന്ന ചിത്രത്തിൽ ശ്രീനാഥ് ഭാസി, വിഷ്ണു വിനയ്, വിഷ്ണു ഗോവിന്ദ്, സലിം കുമാര്‍, ഹരീഷ് കണാരന്‍, ധര്‍മ്മജന്‍ ബോള്‍ഗാട്ടി എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. പുതുമുഖം ആതിരയാണ് നായിക. 5 കോടി ബജറ്റിൽ ഒരുക്കുന്ന ഈ ഹൊറര്‍ ത്രില്ലർ മലയാളത്തിനു പുറമെ തമിഴിലും റിലീസ് ചെയ്യും.
