കുമ്പളങ്ങി നൈറ്റ്സിന്റെ വിജയത്തിന് ശേഷം സൗബിന്‍ ഷാഹിര്‍ അഭിനയിക്കുന്ന എറ്റവും പുതിയ ചിത്രമായ ജാക്ക് ആന്‍ഡ് ജിലില്ലെ ലോക്കേഷന്‍ ചിത്രങ്ങള്‍ പുറത്തു വിട്ടു. കുട്ടാപ്സ് എന്നാണ് ചിത്രത്തിൽ സൗബിന്‍ ഷാഹിറിന്റെ കഥാപാത്രത്തിന്റെ പേര്. സിനിമയുടെ സെറ്റില്‍ നിന്നുളള പുതിയൊരു ചിത്രമാണ് സൗബിന്‍ പങ്കുവെച്ചിരിക്കുന്നത്. സന്തോഷ് ശിവന് നന്ദി അറിയിച്ചുകൊണ്ടാണ് സൗബിന്‍ ചിത്രം പോസ്റ്റ് ചെയ്തിരിക്കുന്നത്.
ഒരിടവേളയ്ക്കു ശേഷം ഛായാഗ്രാഹകനും സംവിധായകനുമായ സന്തോഷ് ശിവന് മലയാളത്തിലേക്ക് തിരിച്ചെത്തുന്ന സിനിമ കൂടിയാണിത്. സയന്‍സ് ഫിക്ഷന്‍ സ്വഭാവമുളള ത്രില്ലര്‍ വിഭാഗത്തില്‍പ്പെട്ട സിനിമയില്‍ പ്രാധാന്യമുളള ഒരു കഥാപാത്രമായിട്ടാണ് സൗബിന്‍ എത്തുന്നത്. കാളിദാസ് ജയറാമും ചിത്രത്തില്‍ അഭിനയിക്കുന്നുണ്ട്.
ആലപ്പുഴയ്ക്കു പുറമെ ലണ്ടനും സിനിമയുടെ പ്രധാന ലൊക്കേഷനാണ്. നെടുമുടി വേണു, സുരാജ് വെഞ്ഞാറമൂട്, അജു വര്‍ഗീസ്, രമേഷ് പിഷാരടി തുടങ്ങിയവരാണ് ചിത്രത്തിലെ മറ്റു പ്രധാന താരങ്ങള്‍. ദുബായ് ആസ്ഥാനമായ ലെന്‍സ്മാന്‍ സ്റ്റുഡിയോസാണ് ചിത്രം നിര്‍മ്മിക്കുന്നത്. വലിയ ക്യാന്‍വാസില്‍ ഒരുങ്ങുന്ന ജാക്ക് ആന്‍ഡ് ജില്‍ മലയാളത്തിനു പുറമെ തമിഴിലും പുറത്തിറങ്ങിയേക്കുമെന്നാണ് അറിയുന്നത്.
Soubin in Jack and Jill..
One of the most talented actors in India..and the most cooperative and hard working..
God bless pic.twitter.com/vBSLV9GG6U— SantoshSivanASC. ISC (@santoshsivan) May 17, 2019
