ബിജു മേനോനെ നാകനാക്കി ജിബു ജേക്കബ് സംവിധാനം ചെയ്യുന്ന ചിത്രം ആദ്യരാത്രിയുടെ ടീസര്‍ പുറത്തിറങ്ങി. ‘അവിയല്‍ ഇല്ലാതെ എന്ത് സദ്യ!’ എന്ന തലക്കെട്ടോടെയാണ് ടീസര്‍ ഒരുക്കിയിരിക്കുന്നത്. കല്യാണ സദ്യക്ക് അവിയല്‍ വിളമ്പാനെത്തുന്ന ബിജു മേനോന്‍ ടീസറിനെ കൂടുതല്‍ മികവുറ്റതാക്കുന്നു.
വെള്ളിമൂങ്ങക്കു ശേഷം ഞാനും ജിബു ജേക്കബും അജു വര്‍ഗീസും ഒരുമിക്കുന്ന ആദ്യരാത്രി ചിത്രത്തിന്റെ ടീസര്‍ നിങ്ങള്‍ക്കായി സമര്‍പ്പിക്കുന്നു- നിങ്ങളുടെ സ്വന്തം ബിജു മേനോന്‍ എന്ന് ബിജു മേനോന്‍ തന്റെ ഫേസ്ബുക്ക് പേജില്‍ കുറിച്ചിരുന്നു.
ക്വീന്‍ എന്ന ചിത്രത്തിലൂടെ ശ്രദ്ധേയരായ ഷാരിസ്,ജെബിന്‍ എന്നിവര്‍ ചേര്‍ന്ന് തിരക്കഥ രചിച്ചിരിക്കുന്ന ചിത്രം പ്രദര്‍ശനത്തിനെത്തിക്കുന്നത് സെന്‍ട്രല്‍ പിക്ച്ചേഴ്സാണ്. വിജയ രാഘവന്‍, അനശ്വര രാജന്‍, അശ്വിന്‍, മനോജ് ഗിന്നസ്, ജയന്‍ ചേര്‍ത്തല, മാലാ പാര്‍വതി എന്നിവരാണ് വേഷമിടുന്ന മറ്റ് താരങ്ങള്‍.
