ജാമിയയിലെ വിദ്യാർത്ഥികളെ ഉപദ്രവിക്കുന്ന വീഡിയോയിൽ പൊലീസ് യൂണിഫോമിൽ അല്ലാത്ത ഒരാൾ ലാത്തിവച്ച് അടിക്കുന്നത് വിവാദമായിരിക്കുകയാണ്. വിദ്യാര്‍ഥികളെ തല്ലിച്ചതച്ച ആ ചുവന്ന കുപ്പായക്കാരന്‍ ആര് എന്ന് നവമാധ്യമങ്ങളിലൂടെ പലരും സംശയിക്കുന്നു. പല പ്രമുഖരും സംശയം ഉന്നയിച്ച് രംഗത്ത് വരികയും ചെയ്തു.
‘ആ ചുവന്ന കുപ്പായക്കാരന്‍ ആര്? മുഖം മറച്ച് ജാമിയയിലെ വിദ്യാര്‍ഥികളെ പൊലീസിനൊപ്പം തല്ലിച്ചതച്ച യൂണിഫോമില്ലാത്ത അയാള്‍ ആരെന്നു ആരെങ്കിലും പറഞ്ഞു തരുമോ?- സുപ്രീം കോടതി മുന്‍ ജസ്റ്റിസ് മാര്‍ക്കണ്ഡേയ കട്ജു ട്വിറ്ററിലൂടെ കഴിഞ്ഞ ദിവസം ചോദിച്ചിരുന്നു. ഒപ്പം പെണ്‍കുട്ടികളെ നീളന്‍ വടികൊണ്ടു അടിക്കാനൊരുങ്ങുന്ന ചുവന്ന കുപ്പായവും ഹെല്‍മറ്റും ധരിച്ചയാളിന്റെ ചിത്രവും കട്ജു പോസ്റ്റ് ചെയ്തു. തങ്ങളെ തല്ലിച്ചതച്ച സംഘത്തില്‍ പൊലീസുകാര്‍ മാത്രമല്ല എന്ന് വിദ്യാര്‍ഥികള്‍ ആരോപണം ശക്തമായതിൻറെ അടിസ്ഥാനത്തിലാണ് സമൂഹമാധ്യമങ്ങളില്‍ പ്രതിഷേധം നടക്കുന്നത്.
Content highlights: who is the guy in the red shirt asks katju
