നിര്‍മല സീതാരാമൻ്റെ പ്രവർത്തനങ്ങളിൽ പ്രധാന മന്ത്രിക്ക് അതൃപ്തിയുണെങ്കിൽ രാജി ആവശ്യപെടണമെന്ന് പൃഥിരാജ്​ ചവാൻ

Prithviraj Chavan

പ്രധാനമന്ത്രിയുടെ ഓഫീസില്‍ നടന്ന പ്രീ ബജറ്റ്​ യോഗത്തില്‍ കേന്ദ്ര ധനകാര്യമന്ത്രി നിര്‍മല സീതാരാമനെ ഒഴിവാക്കിയതിനെതിരെ കോണ്‍ഗ്രസ്​ നേതാവ്​ പൃഥിരാജ്​ ചവാന്‍. പ്രധാനമന്ത്രി നരേന്ദ്രമോദിക്ക്​ നിര്‍മലാ സീതാരാമ​​ൻ്റെ പ്രവര്‍ത്തനങ്ങളില്‍ അതൃപ്​തിയുണ്ടെങ്കില്‍ അവരോട്​ രാജി ആവശ്യപ്പെടുകയാണ്​ ചെയ്യേണ്ടതെന്ന്​ ചവാന്‍ വിമര്‍ശിച്ചു. സാധാരണയായി ധനകാര്യ മന്ത്രാലയമാണ്​ പ്രീ ബജറ്റ്​ യോഗം നടത്താറുള്ളത്​. ധനമന്ത്രിയുടെ അധ്യക്ഷതയിലാണ്​ ബജറ്റി​​ൻ്റെ എല്ലാ നടപടി ക്രമങ്ങളും പൂര്‍ത്തിയാകാറുള്ളത്​. ​മോദിയുടെ നേതൃത്വത്തില്‍ 13 പ്രീ ബജറ്റ്​ വിദഗ്ധ കൂടിയാലോചനാ യോഗങ്ങള്‍ നടന്നിട്ടുണ്ട്​. എന്നാല്‍ ഒന്നില്‍ പോലും നിര്‍മല സീതാരാമനെ ക്ഷണിച്ചില്ല.

ഇതില്‍ നിന്നും മനസിലാകുന്നത്​ നിര്‍മലയുടെ പ്രകടനത്തില്‍ പ്രധാനമന്ത്രി തൃപ്​തനല്ല എന്നതാണ്​. അങ്ങനെയെങ്കിൽ അവരോട്​ രാജി ആവശ്യപ്പെടുകയാണ്​ ചെയ്യേണ്ടതെന്നും ചവാന്‍ പറഞ്ഞു. ധനമന്ത്രിയെ പുറത്ത് നിര്‍ത്തുന്നത്​ ധനമന്ത്രാലയത്തിലെ മുഴുവന്‍ ജീവനക്കാരെയുടെയും ആത്മവീര്യം ചോര്‍ത്തുന്ന നടപടിയാണെന്നും, പ്രധാന മന്ത്രിയാണ്​ ധനമന്ത്രാലയം നിയന്ത്രിക്കുന്നതെങ്കില്‍ ബജറ്റ്​ പ്രസംഗം നിര്‍മല സീതാരാമനെ കൊണ്ട്​ ചെയ്യിപ്പിക്കാതെ അതും സ്വന്തമായി ചെയ്യുകയാണ്​ വേണ്ടതെന്നും ചവാന്‍ വിമര്‍ശിച്ചു.

സമ്പദ്​വ്യവസ്ഥ വന്‍ തകര്‍ച്ചയിലാണെന്നും, വളര്‍ച്ച നിരക്കിലും,​ ​പ്രതിശീര്‍ഷ വരുമാനത്തിലും വര്‍ധനവില്ലെന്നും അദ്ദേഹം പറഞ്ഞു. ഇത്തരത്തില്‍ മുന്നോട്ട് പോയാല്‍ അഞ്ചു വര്‍ഷത്തിനുള്ളില്‍ അഞ്ചു ട്രില്ല്യണ്‍ സമ്പദ് ​വ്യവസ്ഥയെന്ന ലക്ഷ്യത്തില്‍ എത്താന്‍ കഴിയില്ലെന്നും പൃഥിരാജ്​ ചവാന്‍ ചൂണ്ടിക്കാട്ടി.

Content Highlights:  Nirmala sitharaman not being invited for pre-budget meets by pmo  says Prithviraj Chavan

LEAVE A REPLY

Please enter your comment!
Please enter your name here