അരവിന്ദ് കെജരിവാളിനെതിരെ ബിജെപി എംപി ഗൗതം ഗംഭീര്‍. കെജ്രിവാള് മുഖ്യകാപട്യക്കാരനാണെന്ന് ഗൗതം പരിഹസിച്ചു. ‘ആശ്ചര്യപ്പെടുത്തുന്ന മുഖ്യമന്ത്രിയാണ് ഇത്. അണ്ണാ ഹസാരെയോട് നുണ പറഞ്ഞു, പിന്നെ സുഹൃത്തുക്കളോട് കള്ളം പറഞ്ഞു, സര്‍ക്കാരുകളോട് കള്ളം പറഞ്ഞു. ഇപ്പോഴിതാ ഡല്‍ഹിയിലെ ആയിരക്കണക്കിന് ജനങ്ങളോടും കള്ളം പറഞ്ഞു. ഇത് മുഖ്യമന്ത്രിയോ മുഖ്യ കാപട്യക്കാരനോ’ എന്ന് ഗൗതം ഗംഭീര്‍ ട്വീറ്റ് ചെയ്യുകയുണ്ടായി.
ഷഹീന്‍ബാഗിലെ പൗരത്വ പ്രതിഷേധക്കാർക്ക് നേരെ വെടിവെപ്പ് നടത്തിയത് ആം ആദ്മി പ്രവര്‍ത്തകരാണെന്ന ഡല്‍ഹി പോലീസിൻറെ വെളിപ്പെടുത്തലിന് പിന്നാലെയാണ് ഗൗതം ഗംഭീര്‍ കെജരിവാളിനെതിരെ രംഗത്തെത്തിയത്. ജയ് ശ്രീ റാം എന്നു വിളിച്ചു കൊണ്ടായിരുന്നു വെടിവെപ്പ് നടത്തിയത്. 2019 ജനുവരി-ഫെബ്രുവരി മാസങ്ങളില്‍ താനും അച്ഛനും ആം ആദ്മി പാര്‍ട്ടിയില്‍ ചേര്‍ന്നുവെന്ന് പിടിയിലായ യുവാവ് സമ്മതിക്കുകയും ചെയ്തിരുന്നു. എന്നാൽ, ഇക്കാര്യം ആം ആദ്മി പാര്‍ട്ടി നിഷേധിക്കുകയായിരുന്നു.
Content highlights: Chief minister or chief pretender? gautam gambhir’s tweet at Arvind Kejriwal
