നടി ലെന വേറിട്ട ഗെറ്റപ്പില്‍ എത്തുന്ന ചിത്രം ആര്‍ട്ടിക്കിള്‍ 21 ൻ്റെ ഫസ്റ്റ് ലുക്ക് റിലീസ് ചെയ്തു. വര്‍ക്ക് വിറ്റ് സിനിമ പ്രസന്‍സിൻ്റെ ബാനറില്‍ ജോസഫ് ധനൂപും പ്രസീനയും നിര്‍മ്മിച്ച് ലെനിന്‍ ബാലകൃഷ്ണന്‍ സംവിധാനം ചെയ്യുന്ന ചിത്രമാണിത്. ബിനീഷ് കോടിയേരി, മാസ്റ്റര്‍ ലെസ്‌വിന്‍, മാസ്റ്റര്‍ നന്ദന്‍ രാജേഷ് തുടങ്ങിയവരാണ് ചിത്രത്തില്‍ പ്രധാന വേഷങ്ങളിലെത്തുന്നത്. ചുണ്ടിൽ എരിയുന്ന സിഗരറ്റും, ആരെയും കൂസാതെ ഇരിക്കുന്ന ലെനയെയാണ് ഫസ്റ്റ്ലുക്ക് പോസ്റ്ററിൽ കാണാൻ സാധിക്കുന്നത്. അഷ്കർ ആണ് സിനിമയുടെ ഛായാഗ്രഹണം നിർവഹിച്ചിരിക്കുന്നത്‌. ഗോപിസുന്ദർ സംഗീതവും പശ്ചാത്തല സംഗീതവും നിർവഹിക്കുന്നു.
Content Highlights; article 21st official trailer released
