പ്രേക്ഷകരെ അമ്പരിപ്പിച്ച് തമിഴ് സൂപ്പര്‍താരം ചിയാന്‍ വിക്രം നായകനാവുന്ന പുതിയ ചിത്രം ‘കോബ്ര’യുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ഇമൈക നൊടികൾ എന്ന ചിത്രത്തിന് ശേഷം അജയ് ജ്ഞാനമുത്തു സംവിധാനം ചെയ്യുന്ന ചിത്രമാണ് കോബ്ര.
ഇര്‍ഫാന്‍ പഠാനാണ് ചിത്രത്തിൽ വില്ലന്‍ വേഷത്തിലെത്തുന്നത്. യുവാവായും, വൃദ്ധനായും, തടിച്ച ശരീര പ്രകൃതിയുള്ളയാളുമായി വിക്രം ചിത്രത്തിലെത്തുന്നുണ്ട്. 25 ഗെറ്റപ്പുകളിലായാണ് വിക്രം ചിത്രത്തിലെത്തുന്നതെന്ന് നേരത്തെ റിപ്പോർട്ടുകളുണ്ടായിരുന്നു. എ ആർ റഹ്മാൻ ആണ് ച്ത്രത്തിൻ്റെ സംഗീത സംവിധാനം നിർവഹിച്ചിരിക്കുന്നത്. ഹരീഷ് കണ്ണൻ ഛായഗ്രഹണവും ഭുവൻ ശ്രീനിവാസൻ എഡിറ്റിങ്ങും നിർവഹിക്കുന്നു.
Content Highlights; cobra movie first look poster released
