സച്ചി സംവിധാനം ചെയ്ത അയ്യപ്പനും കോശിയും എന്ന മലയാള ചിത്രത്തിൻ്റെ തെലുങ്ക് പതിപ്പിൽ വിജയ് സേതുപതിയും പവൻ കല്യാണും പ്രധാന കഥാപാത്രങ്ങളെ അവതരിപ്പിക്കുമെന്ന് റിപ്പോർട്ട്. മലയാളത്തിൽ ബിജു മേനോൻ അവതരിപ്പിച്ച അയ്യപ്പൻ നായരെന്ന കഥാപാത്രത്തെ പവൻ കല്യാണും പൃഥ്വിരാജ് അവതരിപ്പിച്ച കോശി കുര്യനായി വിജയ് സേതുപതിയും എത്തുമെന്നാണ് അറിയുന്നത്.
വെങ്കി അത്ലുരിയാണ് ചിത്രം സംവിധാനം ചെയ്യുന്നത്. മാർച്ചിൽ ചിത്രത്തിൻ്റെ തെലുങ്ക് റിമേക്കിൻ്റെ അവകാശം സ്വന്തമാക്കിയതായി നിർമാതാവ് സൂര്യദേവര നാഗ അറിയിച്ചിരുന്നു. മലയാളത്തിലെ ബോക്സ് ഓഫീസ് ഹിറ്റായ അയ്യപ്പനും കോശിയും മുപ്പത് കോടി കളക്ഷനാണ് നേടിയത്. നേരത്തെ റാണ ദഗ്ഗുപതിയും നന്ദമുരി ബാലകൃഷ്ണയും അയ്യപ്പനും കോശിയും ചിത്രത്തിൻ്റ തെലുങ്ക് റിമേക്കിൽ അഭിനയിക്കുമെന്ന് റിപ്പോർട്ടുകൾ വന്നിരുന്നു. എന്നാൽ പിന്നീട് താരങ്ങൾ തന്നെ ആ വാർത്ത നിഷേധിച്ചു. അയ്യപ്പനും കോശിയുടേയും ഹിന്ദി റിമേക്കിൻ്റെ അവകാശം സ്വന്തമാക്കിയത് ജോൺ എബ്രഹാമാണ്.
content highlights: Pawan Kalyan likely to star in Ayyappanum Koshiyum’s Telugu remake
