പ്രഭാസ് നായകനായെത്തുന്ന ‘ആദിപുരിഷ്’ എന്ന ചിത്രത്തിൽ രാവണനായി സെയ്ഫ് അലിഖാൻ എത്തുന്നു. ചിത്രത്തിന്റെ സംവിധായകൻ ഓം റൗട്ടാണ് ഇക്കാര്യം സോഷ്യൽ മീഡിയയിലൂടെ അറിയിച്ചത്. ഇത് ആദ്യമായാണ് സെയ്ഫ് അലിഖാനും പ്രഭാസും ഒന്നിക്കുന്നത്. ആദിപുരുഷിന്റെ ഭാഗമാകാൻ കഴിഞ്ഞതിലും ജനപ്രിയതാരം പ്രഭാസുമായി ഒന്നിച്ചഭിനയിക്കാൻ അവസരം ലഭിച്ചതിലും താൻ ഏറെ സന്തോഷവാനാണെന്ന് സെയ്ഫ് അലിഖാൻ വ്യക്തമാക്കി.
7000 years ago existed the world's most intelligent demon! #Adipurush#Prabhas #SaifAliKhan @itsBhushanKumar @vfxwaala @rajeshnair06 @TSeries @retrophiles1 #TSeries pic.twitter.com/xVPrlJQSKF
— Om Raut (@omraut) September 3, 2020
സെയ്ഫ് അലിഖാൻ ആദിപുരുഷിൽ പങ്കാളിയാകുന്നു എന്നറിഞ്ഞതോടെ താൻ ആവേശത്തിലാണെന്നും അദ്ദേഹമൊത്ത് അഭിനയിക്കാൻ കാത്തിരിക്കുകയാണെന്നും പ്രഭാസ് പോസ്റ്റർ പങ്കു വെച്ചു കൊണ്ട് പറഞ്ഞു. അടുത്ത വർഷത്തോടെയാണ് ചിത്രത്തിന്റെ ചിത്രീകരണം ആരംഭിക്കുന്നതെന്നാണ് റിപ്പോർട്ട്. 2022 ഓടെ ചിത്രം തിയ്യറ്ററുകളിലെത്തും. ഹിന്ദിക്ക് പുറമെ, തെലുങ്ക്, തമിഴ്, മലയാളം, കന്നഡ എന്നീ ഭാഷകളിലും ചിത്രം മൊഴിമാറ്റിയെത്തും
Content Highlights; saif ali khan in prabhas movie aadhipurush
