വിവാദങ്ങളേയും പ്രതിഷേധങ്ങളെയും തുടർന്ന് അക്ഷയ് കുമാർ നായകനായ ചിത്രം ലക്ഷ്മി ബോംബിന്റെ പേരുമാറ്റി. ‘ലക്ഷ്മി ബോംബ്’ എന്നതിനു പകരം ‘ലക്ഷ്മി’ എന്നു മാത്രമായിരിക്കും ചിത്രത്തിന്റെ പുതിയ പേര്. ലക്ഷ്മി എന്ന് ഇംഗ്ലീഷിൽ എഴുമ്പോഴുള്ള സ്പെല്ലിംഗും മാറ്റിയിട്ടുണ്ട്. LAXMMI എന്നായിരുന്നത് പുതിയ ടൈറ്റിൽ അനുസരിച്ച് LAXMII എന്നും ആക്കി.
ഹിന്ദു ദേവതയായ ലക്ഷ്മി ദേവിയെ അപമാനിച്ചുവെന്നും ട്രാൻസ് സമൂഹത്തെ തെറ്റായ രീതിൽ ചിത്രീകരിച്ചിരിക്കുന്നു എന്നുമായിരുന്നു ചിത്രത്തിനെതിരെ ഉയർന്ന ആരോപണം. ഹൈന്ദവ സംഘടനയായ കർണിസേനയാണ് ചിത്രത്തിന്റെ പേര് മാറ്റണമെന്നാവശ്യപെട്ട് അണിയറ പ്രവർത്തകർക്ക് വക്കീൽ നോട്ടീസ് അയച്ചത്.
ലക്ഷ്മി എന്ന പേരിനൊപ്പം ബോംബ് എന്ന വാക്ക് ചേർത്തുവെച്ചതാണ് വിമർശനത്തിന് കാരണമായത്. പ്രമുഖ ട്രേഡ് അനലിസ്റ്റ് ആയ തരൺ ആദർശ് ആണ് ചിത്രത്തിന്റെ പേരു മാറ്റിയ വിവരം ട്വിറ്ററിലൂടെ പുറത്തുവിട്ടിരിക്കുന്നത്.
Content Highlights; akshay kumar new movie laxmmi bomb is now titled laxmii
