ബെംഗളൂരു: രാജ്യത്ത് 250 രൂപ നിരക്കില്‍ വാക്‌സിന്‍ വിതരണത്തിനൊരുങ്ങി ലോകത്തിലെ തന്നെ ഏറ്റവും വലിയ വാക്‌സിന്‍ ഉത്പാദകരായ സെറം ഇന്‍സ്റ്റിറ്റ്യൂട്ട് ഓഫ് ഇന്ത്യ. ഇന്ത്യയില്‍ സ്വകാര്യ വിപണിയില്‍ വാക്‌സിന്‍ ഒരു ഡോസിന് 1,000 രൂപ നിരക്കില്‍ ലഭ്യമാകുമെന്ന് ചീഫ് എക്‌സിക്യൂട്ടിവ് ഓഫീസര്‍ നേരത്തെ വ്യക്തമാക്കിയിരുന്നു. വാക്‌സിന്‍ വിതരണത്തില്‍ കേന്ദ്ര സര്‍ക്കാരുമായി ധാരണയിലെത്താനാണ് സെറം ഇന്‍സ്റ്റിറ്റ്യൂട്ടിന്റെ തീരുമാനം.
വാക്‌സിന്‍ മറ്റ് രാജ്യങ്ങളിലേക്ക് വിതരണം ചെയ്യുന്നതിന് മുമ്പ് ഇന്ത്യയില്‍ വിതരണം ചെയ്യുന്നതില്‍ ശ്രദ്ധ കേന്ദ്രീകരിക്കുമെന്ന് ചീഫ് എക്‌സിക്യൂട്ടീവ് അറിയിച്ചിരുന്നു. കൊവിഡ് വാക്‌സിന്‍ ഡോസിന് 1,000 രൂപ നിരക്കില്‍ ലഭ്യമാക്കുമെന്ന് ചീഫ് എക്‌സിക്യൂട്ടീവ് ഓഫീസര്‍ അറിയിച്ചതിന് പിന്നാലെ വലിയ തോതില്‍ വാക്‌സിന്‍ സ്വീകരിക്കുന്നതിനാല്‍ സര്‍ക്കാര്‍ ഇതിലും കുറഞ്ഞ വിലയില്‍ കരാറിലെത്തുകയായിരുന്നു.
സെറം ഇന്‍സ്റ്റിറ്റ്യൂട്ടിന് പിന്നാലെ അസ്ട്രാസെനക്കയും വാക്‌സിന്റെ അടിയന്തിര ഉപയോഗത്തിനായി അനുമതി തേടി ഇന്ത്യക്ക് അപേക്ഷ സമര്‍പ്പിച്ചിരുന്നു.
Content Highlight: Serum Institute Likely To Supply Covid Vaccine At ₹ 250 Per Dose: Report
