കാസര്‍കോട്: കാസര്‍കോട് പെരിയയില്‍ നടന്ന ഇരട്ട കൊലപാതകം കല്ല്യോട്ട് കൂരാങ്കര റോഡില്‍ പുനഃരാവിഷ്‌കരിച്ച് സിബിഐ സംഘം. സംഭവ സ്ഥലത്തെത്തി വിശദമായ പരിശോധന നടത്തിയ ശേഷമായിരുന്നു പുനഃരാവിഷ്‌കാരം. കഴിഞ്ഞ ദിവസം കേസുമായി ബന്ധപ്പെട്ട ഫയല്‍ സിബിഐ സംഘത്തിന് ക്രൈംബ്രാഞ്ച് കൈമാരിയതോടെയാണ് അന്വേഷണം ആരംഭിച്ചത്.
കേസ് അന്വേഷണത്തിനായി പെരിയയില്‍ എത്തിയ സിബിഐ സംഘം, കൊല്ലപ്പെട്ട ശരത് ലാലിന്റെ അച്ഛന്‍ സത്യനാരായണന്റെ സഹോദരനോടും നാട്ടുകാരോടും എല്ലാ വിവരങ്ങളും ചോദിച്ചറിഞ്ഞിരുന്നു. സാക്ഷികളുടെയും നാട്ടുകാരുടേയും സാന്നിധ്യത്തിലാണ് അന്വേഷണ സംഘം വിവിര ശേഖരണം നടത്തുന്നത്.
കേസില്‍ സിബിഐ അന്വേഷണത്തിന് സുപ്രീംകോടി ഉത്തരവിട്ടതോടെയാണ് കേസന്വേഷണം ആരംഭിക്കുന്നത്. കേസന്വേഷണത്തിന് സൗകര്യം ഒരുക്കണമെന്ന് സംസ്ഥാന സര്‍ക്കാരിനോട് സിബിഐ ആവശ്യപ്പെട്ടിട്ടുണ്ട്.
Content Highlight: CBI team starts investigation in Periya Twin Murder Case
