ന്യൂഡല്‍ഹി: കാര്‍ഷിക നിയമത്തിനെതിരെ കോണ്‍ഗ്രസ് ശേഖരിച്ച രണ്ടുകോടി കത്തുകള്‍ രാഷ്ട്രപതി രാംനാഥ് കോവിന്ദിന് രാഹുല്‍ ഗാന്ധി കൈമാറി. ട്രക്കുകളിലാണ് എത്തിച്ച കത്തുകള്‍ എത്തിച്ചത്. അഥീര്‍ രഞ്ജന്‍ ചൗധരി, ഗുലാംനബി ആസാദ് എന്നീ നേതാക്കളും രാഹുലിനോടൊപ്പമുണ്ടായിരുന്നു.
കോണ്‍ഗ്രസ് എം.പിമാരുടെ നേതൃത്വത്തില്‍ വിജയ് ചൗക്ക് മുതല്‍ രാഷ്ട്രപതി ഭവന്‍ വരെ നടത്താനിരുന്ന മാര്‍ച്ചിന് ഡല്‍ഹി പൊലീസ് അനുമതി നിഷേധിച്ചിരുന്നു. തുടര്‍ന്ന് പ്രിയങ്കഗാന്ധിയുടെ നേതൃത്വത്തില്‍ കോണ്‍ഗ്രസ് എം.പിമാര്‍ കുത്തിയിരുന്ന് പ്രതിഷേധിച്ചതോടെ അറസ്റ്റ് ചെയ്ത് നീക്കിയിരുന്നു.
മാര്‍ച്ചിനൊടുവില്‍ രാഷ്ട്രപതിയെക്കൊണ്ട് രണ്ട് കോടി കര്‍ഷകര്‍ ഒപ്പിട്ട നിവേദനം സമര്‍പ്പിക്കായിരുന്നു കോണ്‍ഗ്രസ് പദ്ധതി. എന്നാല്‍ പ്രതിഷേധമാര്‍ച്ചിന് അനുമതി നല്‍കാനാവില്ലെന്നും രാഹുല്‍ ഗാന്ധി, ഗുലാംനബി ആസാദ്, അധീര്‍ രഞ്ജന്‍ ചൗധരി എന്നീ മൂന്ന് നേതാക്കള്‍ക്ക് മാത്രം രാഷ്ട്രപതിയെ സന്ദര്‍ശിക്കാമെന്നും പൊലീസ് വ്യക്തമാക്കുകയായിരുന്നു.
Content Highlight: Rahul Gandhi handover 2 crore letters to President
