കർണാടകത്തിൽ ക്വാറിയിലേക്ക് പോവുകയായിരുന്ന ട്രക്കിൽ നടന്ന പൊട്ടിത്തെറിയിൽ എട്ട് മരണം. മൃതദേഹങഅങൾ ചിന്നിച്ചിതറി. പൊട്ടിത്തെറിയുടെ പ്രകമ്പനം നാല് ജില്ലകളിൽ അനുഭവപെട്ടു. ആദ്യം ഭൂചലനമെന്നാണ് കരുതിയത്. എന്നാൽ പിന്നീടാണ് സ്ഫോടനത്തിന്റെ പ്രകമ്പനമാണ് അനുഭപെട്ടതെന്ന് മനസിലായത്.
ക്രഷർ യൂണിറ്റിലേക്ക് കൊണ്ടു പോകുകയായിരുന്ന ജലാറ്റിൻ സ്റ്റിക്കുകളാണ് പൊട്ടിത്തെറിച്ചതെന്ന് ജില്ലാ കളക്ടർ വ്യക്തമാക്കി. ശിവമോദയിൽ ഹുനസോട് വില്ലേജിലെ ക്വാറിയിലേക്കാണ് ട്രക്ക് പോയത്. മരിച്ച എല്ലാവരും തൊഴിലാളികളാണെന്നാണ് വിവരം. പൊട്ടിത്തെറിയുടെ കാരണം ഇതുവരെ വ്യക്തമല്ല.
ബോംബ് സ്ക്വാഡിന്റെ പരിശോധനക്ക് ശേഷമേ എന്തെങ്കിലും പറയാൻ സാധിക്കൂ എന്ന് പോലീസ് വ്യക്തമാക്കി. അപകടത്തെ തുടർന്ന് ഉണ്ടായ പ്രകമ്പനത്തിൽ റോഡുകളിൽ വിള്ളൽ വീണിട്ടുണ്ട്. കൂടാതെ നിരവധി വീടുകൾക്ക് കേടുപാടും സംഭവിച്ചു.
Content Highlights; blast in Karnataka; death toll reaches eight
