മെഗാസ്റ്റാർ മമ്മൂട്ടിയും മഞ്ജു വാര്യരും ആദ്യമായി ഒരുമിച്ചഭിനയിക്കുന്നതിൻ്റെ ആവേശത്തിലാണ് ആരാധകർ. സസ്പൻസ് നിറഞ്ഞ ത്രില്ലർ ചിത്രത്തിലാണ് ഇരുവരും ഒരുമിക്കുന്നത്. നവാഗതാനായ ജോഫിൻ ടി ചാക്കോയാണ് ചിത്രം സംവിധാനം ചെയ്യുന്നത്. ജനുവരി ഒന്നോടു കൂടി ചിത്രീകരണം ആരംഭിക്കും.
കുഞ്ഞിരാമായണം, കോക്ടെയിൽ എന്നീ ചിത്രങ്ങൾക്ക് തിരക്കഥ ഒരുക്കിയ ദീപു പ്രദീപ്, ശ്യാം മേനോൻ എന്നിവരാണ് മമ്മൂട്ടി, മഞ്ജു ചിത്രത്തിന് തിരക്കഥ ഒരുക്കിയിരിക്കുന്നത്. സംവിധായകൻ ജോഫിൻ്റെതാണ് കഥ. വളരെ കരുത്തുള്ള കഥാപാത്രങ്ങളാണ് മഞ്ജുവിനും മമ്മൂട്ടിക്കും സിനിമയിലുള്ളതെന്നാണ് സൂചന. സിനിമയിലെ കേന്ദ്ര കഥാപാത്രങ്ങളായി മമ്മൂട്ടിയും മഞ്ജു വാര്യരും അഭിനയിക്കുമ്പോൾ വിമല നിഖിൽ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. 2020 ൽ ചിത്രം പ്രദർശനത്തിനെത്തും.
Content Highlight; Mammootty Manju warrior new thriller movie
