ഇന്ത്യയിൽ കൊവിഡ് പ്രതിരോധ വാക്സിനായ കൊവിഷീൽഡിന്റെ അടിയന്തര ഉപയോഗത്തിനായി അനുമതി തേടി സിറം ഇൻസ്റ്റിറ്റ്യൂട്ട് ഓഫ് ഇന്ത്യ ഡ്രഗ്സ് കണട്രോളർ ജനറൽ ഓഫ് ഇന്ത്യക്ക് അപേക്ഷ സമർപ്പിച്ചു. അനുമതിക്കായി ഡ്രഗ്സ് കൺട്രോളർ ജനറലിന് അപേക്ഷ നൽകുന്ന ആദ്യ ഇന്ത്യൻ കമ്പനിയാണ് സിറം ഇൻസ്റ്റിറ്റ്യൂട്ട് ഓഫ് ഇന്ത്യ.
കഴിഞ്ഞ ദിവസം യുഎസ് ഫാർമസ്യൂട്ടിക്കൽ കമ്പനിയായ ഫൈസർ അവരുടെ കൊവിഡ് പ്രതിരോധ വാക്സിൻ ഇന്ത്യയിൽ ഉപയോഗിക്കുന്നതിനായി ഡ്രഗ്സ് കൺട്രോളർ ജനറലിന്റെ അനുമതി തേടിയിരുന്നു. കൊവിഷീൽഡും ഫൈസറും ഉൾപെടെ അഞ്ചോളം കൊവിഡ് പ്രതിരോധ വാക്സിനുകളാണ് അവസാനഘട്ട പരീക്ഷണങ്ങളിലുള്ളത്. ഓക്സ്ഫോഡ് കൊവിഡ് പ്രതിരോധ വാക്സിനായ കൊവിഷീൽഡിന്റെ മൂന്നാംഘട്ട ക്ലിനിക്കൽ ട്രയലുകൾ രാജ്യത്തിന്റെ വിവിധ ഭാഗങ്ങളിലായി സിറം ഇൻസ്റ്റിറ്റ്യൂട്ട് ഇന്ത്യൻ കൌൺസിൽ ഓഫ് മെഡിക്കൽ റിസർച്ചിന്റെ സഹകരണത്തോടെ നടത്തുന്നുണ്ട്.
നാല് ക്ലിനിക്കൽ പറനത്തിന്റെ റിപ്പോർട്ടുകൾ പ്രകാരം രണ്ടെണ്ണം യുകെയിലും ഒന്ന് ബ്രസീലിലും മറ്റൊന്ന് ഇന്ത്യയിലും കൊവിഷീൽഡ് വാക്സിൻ വളരെ ഫലപ്രദമാണെന്ന് കണ്ടെത്തിയതായി സിറം ഇൻസ്റ്റിറ്റ്യൂട്ട് അധികൃതർ വ്യക്തമാക്കിയിട്ടുണ്ട്. റഷ്യയിൽ ഇതിനോടകം തന്നെ റഷ്യ വികസിപ്പിച്ച കൊവിഡ് വാക്സിനായ സ്ഫുടിനിക് 5 പൊതു ജനങ്ങൾക്ക് വിതരണം ചെയ്തു തുടങ്ങിയിട്ടുണ്ട്.
Content Highlights; Serum institute seeks permission for the emergency use of covishield.
