അന്ന ബെന്നിനെ നായികയാക്കി ജൂഡ് ആന്റണി സംവിധാനം ചെയ്യുന്ന ഏറ്റവും പുതിയ ചിത്രം ‘സാറാസ്’ ഫസ്റ്റ് ലുക്ക് പോസ്റ്റർ പുറത്ത്. സണ്ണി വെയ്നാണ് ചിത്രത്തിലെ നായകൻ. ഇരുവരും ഒന്നിച്ചഭിനയിക്കുന്ന ആദ്യ ചിത്രമാണ് ഇത്. മല്ലിക സുകുമാരൻ, കളക്ടർ ബ്രോ പ്രശാന്ത് നായർ, ധന്യ വർമ്മ, സിദ്ധിഖ്, വിജയ കുമാർ, അജു വർഗീസ്, സിജു വിൽസൺ, ശ്രിന്ദ, ജിബു ജേക്കബ്, പ്രദീപ് കോട്ടയെ തുടങ്ങിയവരും ചിത്രത്തിൽ പ്രധാന വേഷത്തിൽ എത്തുന്നു. ചിത്രത്തിൽ അന്നാ ബെന്നിനൊപ്പം അച്ഛൻ ബെന്നി പി നായരമ്പലവും അഭിനയിക്കുന്നുണ്ട്.
കൊവിഡ് കാലത്ത് ഏറെ വെല്ലുവിളി നിറഞ്ഞ പശ്ചാത്തലത്തിലാണ് ചിത്രം ജൂഡ് പൂർത്തിയാക്കിയത്. കൊവിഡ് സുരക്ഷ പൂർണമായും ഒരുക്കിയായിരുന്നു ചിത്രത്തിന്റെ ഷൂട്ട്. കൊച്ചി മോട്രോ, ലുലു മാൾ, വാഗമൺ തുടങ്ങി നിരവധി ജൂനിയർ ആർട്ടിസ്റ്റുകളെ ഉൾപെടുത്തിയാണ് ചിത്രം ഒരുക്കിയിരിക്കുന്നത്. ക്ലാസ്മേറ്റ്സ് അടക്കമുള്ള മലയാളത്തിലെ നിരവധി ഹിറ്റുകൾ സമ്മാനിച്ച നിർമ്മാതാവ് ശാന്ത മുരളിയും പികെ മുരളീധരനുമാണ് ചിത്രം നിർമ്മിക്കുന്നത്. കഥ അക്ഷയ് ഹരീഷ്, നിമിഷ് രവിയാണ് ക്യാമറ. ലൂസിഫര്‍, മാമാങ്കം മുതലായ സിനിമകളിലൂടെ ശ്രദ്ധേയനായ മോഹന്‍ദാസ് ആണ് പ്രൊഡക്ഷന്‍ ഡിസൈന്‍
Content Highlights; anna ben new movie saras first look poster released
