കൊവിഡ് വാക്സിന് അനുമതി നല്കുന്ന കാര്യം തിരുമാനിക്കുന്ന സമിതിയുടെ നിര്ണായക യോഗം ഇന്ന് വീണ്ടും യോഗം ചേരും. രാജ്യത്തിനുള്ളില് ലഭ്യമായ പരീക്ഷണ ഫലങ്ങളുടെ വിശദമായ അവലോകനമാണ് ഇന്ന് നടത്തുക. കഴിഞ്ഞ ദിവസം യോഗം ചേര്ന്ന സമിതി വാക്സിന് അനുമതി നല്കുന്നതിന് മുന്നോടിയായി കുടുതല് വിവരങ്ങള് വിലയിരുത്താന് തിരുമാനിക്കുകയായിരുന്നു. കൊവിഡ് വാക്സിന് വിതരണം ആരംഭിക്കുന്നതിന് മുന്നോടിയായി രാജ്യത്ത് നാളെ നടക്കുന്ന ദേശീയ ഡ്രൈ റണ്ണിനായുള്ള ഒരുക്കങ്ങളും പൂര്ത്തിയായിട്ടുണ്ട്.
നാളെ എല്ല സംസ്ഥാനങ്ങളെയും ഉള്പ്പെടുത്തി നടക്കുന്ന ഡ്രൈ റണ്ണുമായി ബന്ധപ്പെട്ട കാര്യങ്ങള് ഇന്ന് കേന്ദ്ര ആരോഗ്യമന്ത്രാലയം വിലയിരുത്തും. എല്ലാ സംസ്ഥാനങ്ങളിലെയും തലസ്ഥാനമാണ് ദേശീയ ഡ്രൈ റണ്ണിന്റെ വേദി. ചില സംസ്ഥാനങ്ങളില് അധികമായി എതാനും ജില്ലകളെയും ഭൂമിശാസ്ത്രപരമായ പ്രത്യേകതകളുടെ പശ്ചാത്തലത്തില് ഉള്പ്പെടുത്തിയിട്ടുണ്ട്. സെഷന് സൈറ്റ് സൃഷ്ടിക്കുക, സൈറ്റുകളുടെ മാപ്പിംഗ്, ജില്ലകളില് വാക്സിന് സ്വീകരിക്കുന്നതും വാസ്കിനേഷന് അനുവദിക്കുന്നതുമായി ബന്ധപ്പെട്ട കാര്യങ്ങളുടെ അവലോകനം എന്നിവയെല്ലാം ഡ്രൈ റണ്ണിൽ വിലയിരുത്തും. പഞ്ചാബ്, അസം, ആന്ധ്രാപ്രദേശ്, ഗുജറാത്ത് എന്നീ സംസ്ഥാനങ്ങളില് ഡ്രൈ റണ് കഴിഞ്ഞ ദിവസം വിജയകരമായി നടത്തിയിരുന്നു.
content highlights: Permission for the covid vaccine; Special meeting today
