ഇമെക്ക നൊടികൾ എന്ന ചിത്രത്തിന് ശേഷം വിക്രമിനെ നായകനാക്കി അജയ് ജ്ഞാനമുത്തു സംവിധാനം ചെയ്യുന്ന കോബ്രയുടെ ടീസർ പുറത്തുവിട്ടു. ശ്രീനിധി ഷെട്ടി നായികയായി എത്തുന്ന ചിത്രത്തിൽ മലയാളി താരങ്ങളായ റോഷൻ മാത്യു, മിയ ജോർജ് എന്നിവരും പ്രധാന വേഷത്തിലെത്തുന്നു. 7 സ്ക്രീൻ സ്റ്റുഡിയോസും വയാകോം 18 സ്റ്റുഡിയോസും ചേർന്നാണ് ചിത്രം നിർമ്മിക്കുന്നത്.
തമിഴ്, തെലുങ്ക്, ഹിന്ദി ഭാഷകളിലായാണ് ചിത്രം റിലീസ് ചെയ്യുന്നത്. ഗണിത ശാസ്ത്രവിദഗ്ധനായാണ് ചിത്രത്തിൽ വിക്രം എത്തുന്നത്. വിക്രമിൻ്റെ വിവിധ ഗെറ്റപ്പുകളാണ് ടീസറിൻ്റെ പ്രത്യേകത. ചിത്രത്തിൽ 25 ഗെറ്റപ്പുകളിൽ വിക്രം എത്തുന്നുണ്ടെന്നാണ് റിപ്പോർട്ട്. ക്രിക്കറ്റ് താരം ഇർഫാൻ പഠാൻ്റെ അരങ്ങേറ്റ ചിത്രമാണിത്.
content highlights: Cobra teaser: Vikram promises a globe-trotting thriller
