ഉയരെക്ക് ശേഷം മനു അശോകൻ സംവിധാനം ചെയ്യുന്ന ഏറ്റവും പുതിയ ചിത്രം കാണെക്കാണെയുടെ ഫസ്റ്റ് ലുക്ക് പോസ്റ്റർ പുറത്ത്. കേന്ദ്ര കഥാപാത്രങ്ങളായ സുരാജ് വെഞ്ഞാറന്മൂട്, ഐശ്വര്യ ലക്ഷ്മി, ടൊവിനോ തോമസ് എന്നിവരാണ് ഫസ്റ്റ് ലുക്ക് പോസ്റ്ററിലും ഇടം പിടിച്ചിരിക്കുന്നത്. പാതി മുഖവുമായി സുരാജും പശ്ചാത്തലത്തിൽ കെട്ടിപ്പുണർന്ന് നിൽക്കുന്ന ഐശ്വര്യയും ടൊവിനോയുമാണ് പോസ്റ്ററിലുള്ളത്. ബോബി സജ്ഞയ് ടീമിന്റേതാണ് ചിത്രത്തിന്റെ തിരക്കഥ.
ആസ് യു വാച്ച് എന്ന് ടാഗ് ലൈനോടു കൂടിയാണ് ചിത്രത്തിന്റെ ടൈറ്റിൽ അവതരിപ്പിച്ചിരിക്കുന്നത്. മായാനാദിക്ക് ശേഷം ടൊവിനോ തോമസ് ഐശ്വര്യ ലക്ഷ്മി എന്നീ ജോഡികൾ വീണ്ടും ഒന്നിക്കുന്നു എന്ന പ്രത്യേകത കൂടി ചിത്രത്തിനുണ്ട്. ഡ്രീം കാച്ചർ പ്രോഡക്ഷൻസിന്റെ ബാനറിൽ ടി ആർ ഷംസുദ്ധീനാണ് ചിത്രം നിർമിക്കുന്നത്. ആൽബി ആന്റണി നിർമ്മാണം. രജ്ഞിൻ രാജാണ് സംഗീതം.
Content Highlights; first look poster of the movie Kane Kane
