ശബരിമല ദര്‍ശനത്തിനായി തൃപ്തി ദേശായിക്കൊപ്പമെത്തിയ ബിന്ദു അമ്മിണിക്ക് നേരെ മുളക് സ്പ്രേ ആക്രമണം. കൊച്ചി സിറ്റി കമ്മിഷ്ണര്‍ ഓഫിസിനു മുന്നില്‍ വെച്ചാണ് ബിന്ദുവിനെ നേരെ മുളക് സ്പ്രേ ആക്രമണം നടത്തിയത്. കാവി മുണ്ടും വെളള ഷര്‍ട്ടും ധരിച്ചയാളാണ് ബിന്ദുവിനു നേരെ അക്രമണം നടത്തിയത്. ഇയാളെ പോലിസ് കസ്‌ററഡിയിലെടുത്തു.
നെടുമ്പാശ്ശേരി വിമാനത്താവളത്തില്‍ എത്തിയ തൃപ്തി ദേശായിയുടെ സംഘത്തിനൊപ്പം ബിന്ദു അമ്മിണിയും ചേരുകയായിരുന്നു. കൊച്ചി സിറ്റി പൊലീസ് കമ്മീഷണറുടെ ഓഫീസില്‍ എത്തിയ സംഘത്തിന് നേരെ അയ്യപ്പ ധര്‍മ്മ സമിതിയുടെ പ്രവര്‍ത്തകരാണ് പ്രതിഷേധിച്ചത്. പൊലീസെത്തി ബിന്ദു അമ്മിണിയെ ജനറല്‍ ഹോസ്പിറ്റലിലേക്ക് മാറ്റി. ശബരിമല ദര്‍ശനത്തിന് സംഘം എത്തുന്ന കാര്യം അറിഞ്ഞിരുന്നില്ലെന്നാണ് പോലിസ് ഉദ്യോഗസ്ഥര്‍ അറിയിച്ചത്. ശബരിമല ദര്‍ശനത്തിനായി തൃപ്തി ദേശായി നിലയ്ക്കലിലേക്ക് പുറപ്പെട്ടിട്ടുണ്ട്.
Content highlights; Bindu Ammini attacked by ayyappa seva samithi in front of Kochi police commissioner office.
