യൂട്യൂബില്‍ അപ്‌ലോഡ് ചെയ്ത് മണിക്കൂറുകള്‍ കൊണ്ട് ബിഗ് ബ്രദര്‍ ചിത്രത്തിൻറെ ട്രെയിലര്‍ യൂട്യൂബ് ട്രെൻറിഡിംഗിൽ ഒന്നാമതെത്തി. മമ്മൂട്ടി നായകനാകുന്ന ഷൈലോക്കിൻറെ ടീസറിനെ രണ്ടാം സ്ഥാനത്തേക്ക് തള്ളിയാണ് ഈ നേട്ടം.
സിദ്ധിഖിൻറെ സംവിധാനത്തിൽ മോഹന്‍ലാല്‍ പ്രധാനവേഷത്തിലെത്തുന്ന ബിഗ് ബ്രദര്‍ എന്ന ചിത്രത്തിൻറെ ഒഫീഷ്യല്‍ ട്രെയിലര്‍ ഇന്നലെയാണ് പുറത്തുവിട്ടത്. ലേഡീസ് ആന്‍ഡ് ജെൻ്റില്‍മാന്‍ എന്ന ചിത്രത്തിന് ശേഷം മോഹന്‍ലാലും സിദ്ധിഖും ഒന്നിക്കുന്ന ചിത്രമാണ് ബിഗ് ബ്രദര്‍.
25 കോടി മുതല്‍ മുടക്കിലാണ് ചിത്രം നിര്‍മ്മിക്കുന്നത്. എസ് ടാല്‍ക്കിസിൻറെ ബാനറില്‍ ഷാജിയും മനുവും ചേര്‍ന്ന് നിര്‍മ്മിക്കുന്ന ചിത്രത്തില്‍ വന്‍ താരനിരയാണ് അണിനിരക്കുന്നത്. ബോളിവുഡ് താരം അര്‍ബാസ് ഖാന്‍, റജീന, സത്‌ന ടൈറ്റസ്, ജനാര്‍ദ്ദനന്‍, സിദ്ദിഖ്, വിഷ്ണു ഉണ്ണികൃഷ്ണന്‍, അനൂപ് മേനോന്‍, ചെമ്പൻ വിനോദ്, ടിനി ടോം, സര്‍ജാനോ ഖാലിദ് എന്നിവരാണ് ചിത്രത്തിലെ പ്രധാന താരങ്ങള്‍.
കഴിഞ്ഞ ദിവസമാണ് മോഹൻലാൽ തൻറെ ഫേസ്ബുക് പേജിലൂടെ ബിഗ് ബ്രദറിൻറെ ട്രെയിലർ പുറത്തുവിട്ടത്. പിന്നീട് യൂട്യൂബില്‍ അപ്‌ലോഡ് ചെയ്ത് മണിക്കൂറുകള്‍ക്കുള്ളിലായിരുന്നു യൂട്യൂബില്‍ ഒന്നാമതായത്. ചിത്രം ജനുവരിയിൽ പ്രേക്ഷകർക്ക് മുന്നിലെത്തും.
Content highlight; the trailer of Mohanlal’s next big film ‘big brother’ has been released
