തെന്നിന്ത്യൻ താരറാണി നയൻതാര നായികയാകുന്ന ‘മുക്കൂത്തി അമ്മൻ’ ചിത്രത്തിലെ പുത്തൻ പോസ്റ്ററുകൾ പുറത്ത് വിട്ടു. കോമഡി പശ്ചാത്തലത്തിലാണ് ചിത്രം ഒരുക്കുന്നത്. ആർ ജെ ബാലാജിയാണ് ചിത്രത്തിൽ നായകനായി എത്തുന്നത്. ആർ ജെ ബാലാജിയും, എൻ ജെ ശരവണനും ചേർന്നാണ് ചിത്രത്തിൻ്റെ തിരക്കഥയും സംവിധാനവും നിർവഹിച്ചിരിക്കുന്നത്.
ചിത്രത്തിൻ ദേവിയുടെ ഗെറ്റപ്പിലാണ് നയൻതാര എത്തുന്നത്. ഇശാരി ഗണേഷാണ് ചിത്രത്തിൻ്റെ നിര്‍മ്മാണം. മൂക്കുത്തി അമ്മനാകാൻ നയൻതാര 40 ദിവസത്തെ ഉപവാസം അനുഷ്ഠിക്കുകയും മത്സ്യ മാംസാഹാരങ്ങൾ വര്‍ജ്ജിക്കുകയും ചെയ്തിരുന്നു. 2011ല്‍ പുറത്തിറങ്ങിയ ‘ശ്രീരാമ രാജ്യം’ എന്ന ചിത്രത്തിന് വേണ്ടിയും നയന്‍താര ഉപവാസം അനുഷ്ഠിച്ചിരുന്നു. ചിത്രത്തില്‍ സീതയുടെ വേഷത്തിലായിരുന്നു നയൻതാര എത്തിയത്. ഈ വർഷം മെയ് അവസാനത്തോടെ ചിത്രം തിയേറ്ററുകളിലെത്തും.
Content Highlights: Mukkuthi Amman movie poster released
